Skessuhorn - 08.06.2022, Side 46
MIÐVIKUDAGUR 8. JÚNÍ 202246
Ein af perlum Snæfellsness er tvímælalaust Sjómannagarður-
inn á Hellissandi og ástæða til að hvetja þá sem ferðast um
Snæfellsbæ að koma þar við og gefa sér rúman tíma. Hægt
er að kaupa sér aðgang að afar skemmtilegu sjóminjasafni og
í anddyri er notalegt kaffihús. Miklar breytingar hafa verið
gerðar á safninu á síðustu árum og var það enduropnað fyrir
fjórum árum. Í húsinu er í senn sögð saga útgerðar og dýra-
lífs út við ysta sæ. Þar er m.a. fjöldi uppstoppaðra fugla, dýra
og fiska, tæki, tól og veiðarfæri til útgerðar og fiskvinnslu
og hlaðið fiskbyrgi, en djásn safnsins er tvímælalaust Bliki,
elsti fiskibátur landsins frá 1826. Önnur grunnsýning safns-
ins nefnist Náttúran við ströndina en hin Sjósókn undir Jökli.
Auk þess segir fjöldi ljósmynda sögu útgerðar og byggðar á
Snæfellsnesi.
Blaðamaður Skessuhorn átti leið um Hellissand síðastliðinn
laugardag. Á lóðinni við hlið Sjómannagarðsins er nú risið nýtt
hús Þjóðgarðsmiðstöðvar. Hið óvenjulega, skipslaga hús snýr
stefni sínu í átt að Sjómannagarðinum og í framtíðinni mun
starfsemin sem þar verður til húsa tvímælalaust færa aukið líf í
garðinn og safnið.
Í Sjómannagarðinum voru feðgarnir Óskar Skúlason og
Magnús sonur hans að bæta aðstöðuna fyrir staðaröndina sem
lá þó enn á eggjum inni í kofa. Fjórir ungar voru komnir á legg,
en öndin taldi að enn væri von um að fleiri egg myndu klekj-
ast út. Voru þeir feðgar að girða af litla útilaug fyrir öndina og
ungviði hennar til að baða sig í og njóta í sumar.
Óskar bauðst til að leiðsegja gestum um safnið en hann er
hafsjór fróðleiks um safnmuni og sögu þeirra. Eiginkona hans
Þóra Olsen er verkefnisstjóri safnsins, en starf hennar og fjöl-
skyldunnar allrar er virðingarvert sjálfboðastarf. Safnið sjálft
er rekið sem sjálfseignarstofnun, en nýtur styrkja og velvildar
samfélagsins. Uppbygging þess á síðustu árum hefur kostað sitt
en safnið er svo lánssamt að eiga dygga styrktaraðila sem eru
m.a. Snæfellsbær, útgerðir í sveitarfélaginu og aðrir velunnarar
sem hafa verið að rétta starfseminni hjálparhönd. Einnig hefur
safnið fengið rekstrarstyrki frá SSV undanfarin ár. mm
Fast við hlið garðsins að vestanverðu er Þjóðgarðsmiðstöðin risin.
Sjómannagarðurinn á Hellissandi er heimsóknar virði
Snyrtileg aðkoman, til vinstri safnhúsin og Þorvaldarbúð til hægri. Jökullinn skartaði sínu fegursta síðastliðinn laugardag.
Feðgarnir Óskar og Skúli voru að bæta aðstöðuna fyrir staðaröndina.
Öndin var komin með fjóra pattaralega unga á legg en hélt þó enn í vonina um að
fleiri egg myndu klekjast út.
Óskar að sýna gestum ýmis tæki til fjarskipta. Net og búnaður frá tímum síldveiða.
Fiskbyrgið sem hlaðið var innan dyra, en það er endurgerð
byrgjanna sem voru í miklum mæli á Gufuskálum.
Glæsilegt safn uppstoppaðra fugla og örninn, konungurinn,
í forgrunni.