Sjómannablaðið Víkingur - 01.01.2013, Blaðsíða 22

22 – Sjómannablaðið Víkingur
Stórtíðindi. Loksins kom að því að Íslendingur ynni Ljós-
myndakeppni sjómanna á Norðurlöndum. Sigurvegarinn
er okkur að góðu kunnur, Guðmundur St. Valdimarsson heitir
hann og hefur oftsinnis leyft okkur að njóta snilli sinnar með
myndavélina. Til að kynnast manninum örlítið nánar gerði
Víkingur sér netferð til Guðmundar og bað hann að svara
nokkrum laufléttum spurningum.
Hvað ertu búinn að vera lengi hjá Gæslunni?
Ég byrjaði sem messi, – vikapiltur – á varðskipinu Ægi 6.
apríl 1982 og er því að nálgast 31. árið.
Og hvað gerir þú þar?
Ég starfa sem bátsmaður á varðskipum LHG í dag, en það er
verkstjóri á dekki og stjórna vinnu hásetanna minna í samráði
við mína yfirmenn.
Hvenær upphófst ljósmyndaáhuginn?
Ég eignaðist mína fyrstu myndavél að mig minnir 10 ára, en
það var Kodak Instamadic, með flasskubb, þannig að síðan eru
37 ár.
Varð eitthvað sérstakt atvik til að kveikja þennan áhuga?
Faðir minn tók mikið af myndum og ætli ég hafi ekki fengið
bakteríuna frá honum.
Hvað gætir þú trúað að þú hafir tekið margar myndir á síðasta
ári?
Mér reiknast til að ég hafi tekið tæplega 8000 ramma á síð-
asta ári.
Er eitthvað sérstakt sem þú reynir að fanga á mynd öðru frem-
ur?
Mitt áhugamál í ljósmyndun eru skip og bátar, ströndin og
landslag. Svo er svona eitt og annað að koma inn.
Segðu okkur ögn frá verðlaunamyndinni? Hvar er hún tekin,
hvenær, aðeins um myndefnið og hver voru tildrögin?
Verðlaunamyndina tók ég á bátaæfingu í Berufirði í lítilli vík
rétt utan við innsiglinguna inn á Djúpavog. Þetta var 9. febrúar
2012, kl 16:12. Þarna vorum við að æfa fjörulendingar á léttbát
Ægis. Ég hafði vélina með mér eins og oftast og skaut þessa
mynd ásamt fleirum með flassi, en það var byrjað að rökkva.
Eftirvinnslan var svo smá fikt með ljós og skugga.
Takk kærlega fyrir spjallið, Guðmundur, og hjartanlega til
hamingju með sigurinn og ekki síst – þakka þér fyrir allar þínar
frábæru myndir sem þú hefur leyft okkur Víkingslesendum að
njóta.
HDS 10/20-4 M
30-200 bör
500-1000 ltr/klst
HDS 8/17-4 M
30-170 bör
400-800 ltr/klst
HDS 5/11 U/UX
110 bör
450 ltr/klst
1x230 volt
Gufudælur
Aflmiklir vinnuþjarkar
Skeifan 3E-F · Sími 581-2333 · Fax 568-0215 · www.rafver.is
K Ä R C H E R S Ö L U M E N N
F A G M E N N S K A A L L A L E I Ð
Sigurvegarinn, Guðmundur St. Valdimarsson.
Guðmundur St.
vann
fyrstur
Íslendinga