Sjómannablaðið Víkingur - 01.03.2014, Blaðsíða 4
4 – Sjómannablaðið Víkingur
V
ið Gulahafið stendur borgin
Rongcheng þaðan sem sér yfir
til beggja Kóreuríkjanna þegar
bjart er í veðri. Þar er er nú verið að
smíða tvö gámaskip fyrir Eimskip.
Leiðrétting! Eitt. Því annað þeirra,
Lagarfoss, hefur þegar verið afhent
nýjum eigendum sínum. Af því tilefni
sló Víkingur á þráðinn til Guðmundar
Haraldssonar skipstjóra og bað hann að
segja ögn frá heimsiglingunni.
Víkingur: Sæll og blessaður Guð-
mundur. Velkominn heim og til hamingju
með nýja skipið. Hvernig gekk svo heim-
ferðin fyrir sig?
Guðmundur: Við lögðum upp frá
Rongcheng hinn 30. júní. Fyrsti leggur-
inn varð raunar ekki langur því að í
Qingdao, sem er ein af meiri hafnar- og
iðnaðarborgum þeirra Kínverja, lestuð-
um við frakt til Rotterdam og heilmikið
af nýjum frystigámum sem eiga eftir að
koma að góðum notum hjá okkur í
framtíðinni.
Hinn 2. júlí voru svo landfestar leyst-
ar í Qingdao og Kínverjar kvaddir. Við
tók átta daga sigling til Singapore þar
sem við tókum olíu og vistir. Hinn 13.
júlí, eftir þriggja daga stopp, fórum við
frá Singapore. Fimm dögum síðar, eða
18. júlí, komum við til Sri Lanka og 28.
júlí sigldum við inn á Súezskurð og 4.
ágúst tókum við olíu og vistir í Gíbraltar.
Þá voru tveir viðkomustaðir eftir, Rott-
erdam og Immingham. Til Reykjavíkur
komum við svo hinn 17. ágúst í afar
fallegu veðri þar sem töluverður fjöldi
fólks tók á móti okkur. Skipinu var þá
formlega gefið nafn og blessað af presti.
Afskaplega skemmtileg stund og minnis-
stæð.
Víkingur: Þetta var býsna löng
sigling?
Guðmundur: Já, 12.500 sjómílur eða
liðlega 23.000 þúsund kílómetrar en til
að setja þetta í eitthvert samhengi þá eru
20.001 kílómetri á milli pólanna.
Víkingur: Nú fóruð þið um mörg höf.
Er líkt að sigla um þau?
Guðmundur: Það eru nú frekar róleg
veður þarna út af Asíu. Vitaskuld getur
hann þó blásið upp með hitabeltisstorm-
um en þeir eru ekki jafn-víðáttumiklir
og lægðirnar í Atlantshafinu. Hafið er
líka kyrrara. Þarna gætir ekki undiröld-
unnar sem alltaf er í Atlantshafi. Hitinn
er hins vegar mikill Asíumegin við Súez.
Bæði lofthiti og sjávarhiti sem er víða
yfir 30 gráður. Til dæmis var sjórinn 33
gráður í Singaporesundi. En við þurftum
ekki að kvarta. Skipið er vel loftkælt og
við héldum okkur innandyra. Það var
alltof heitt til að sitja í sólinni. Miðjarð-
arhafið átti betur við okkur og þótt ég
Með flugfiskum
og vopnuðum vörðum
Lagarfoss við Punta de Europa, syðsta tanga Gíbraltarhöfða. Þetta nýjasta skip Eimskips ber 12.200 tonn,
er 140,7 metra langt og 23,2 metrar á breidd. Það er búið öfl ugum skut- og bógskrúfum en við smíðina voru
sérstaklega hafðar í huga þær erfi ðu aðstæður er stundum verða á Norður-Atlantshafi , ís og norðan-garri.
Þá eru tenglar fyrir 230 frystigáma um borð. Lagarfoss er hraðsigldari en Selfoss, hagkvæmari í rekstri og
umhverfi svænni. Mynd: Daniel Ferro
Frá smíði Lagarfoss í Rongcheng við Gulahafi ð. Yfi r 40 ár eru frá því Eimskip réðst síðast í að láta smíða fyrir sig skip. Myndir: Níels Eyjólfsson
- Spjallað við skipstjórann á Lagarfossi, Guðmund Haraldsson