Sjómannablaðið Víkingur - 01.03.2014, Síða 42
„Við snúum við. Stefna þrír-
einn-fimm,“ sagði skipherrann
stuttlega. Skipunin var fram-
kvæmd án hiks. U47 beygði
snöggt á stjórnborða og sneri
við. Brátt var kafbáturinn kom-
inn á norðvesturstefnu, aftur
inn á skipalægið. Nú ætlaði
Prien ekki að láta skeika að
sköpuðu á neinn hátt. Hann
var búinn að ákveða að ráðast í
þessari atlögu eingöngu á það
skip sem var nær og hann var
viss um að væri Royal Oak.
Kafbáturinn nálgaðist orrustu-
skipið og þrjú tundurskeyti
voru tilbúin í stefni hans. Prien
lét hleypa þeim öllum af í enn
meira dauðafæri en þegar hann
gerði fyrri atlöguna.
Þjóðverjarnir á stjórnpalli
U47 horfðu á dökkan skugga
þessa mikla herskips sem lá
þarna 180 metra langt í öllu
sínu veldi. Kafbátsmennirnir
héldu nánast niðri í sér and-
anum á meðan tundurskeytin æddu að marki. Þeir mundu vel
hvaða tortímingarmáttur bjó í þessum vopnum frá því þegar
þeir horfðu á eitt tundurskeyti nánast rífa Bosniu í tvennt á
Bisk-ajaflóa réttum fimm vikum fyrr. Þjóðverjarnir þurftu ekki
að bíða lengi. Ógurlegar sprengingar kváðu við þegar að
minnsta kosti tvö tundurskeytanna hæfðu risann stjórnborðs-
megin rétt framan við miðju. Annað þeirra sprakk undir fremra
mastrinu og yfirbyggingunni á meðan hitt hæfði undir næst-
fremsta fallbyssuturninum framan við brú skipsins.
Tundurskeytið, sem hæfði undir yfirbyggingunni, reif gat á
einn af helstu olíutönkum Royal Oak. Svartolían streymdi út og
breiddist yfir hafflötinn. Sjór fossaði inn í vélarrúm orrustu-
skipsins. Eldhaf kviknaði í skotfærageymslu. Sprenging þeytti
braki hátt til lofts. Margir af þeim mönnum sem höfðu nú lagst
aftur til svefns eftir að fyrsta tundurskeytið hafnaði á stafni
skipsins fórust á nokkrum andartökum í sprengingum og
eldunum sem kviknuðu í kjölfar þess að tundurskeytin hæfðu
og rifu skipið á hol. Öllu rafmagni sló út í Royal Oak. Ljós
slokknuðu og vígdrekinn myrkvaðist. Þar með varð hvorki
hægt að koma skilaboðum um kallkerfi skipsins né senda
ljósmerki í land. Risinn var lamaður. Konungseikin riðaði til
falls.
Stöndum vörð um þá miklu uppbyggingu sem orðið hefur í íslenskum
sjávarútvegi á liðnum árum og áratugum.
Nýtum tækifærin til enn frekari uppbyggingar og leyfum greininni
að þróast á eigin forsendum til hagsbóta fyrir land og þjóð.
Nýtum tækifærin í sjávarútvegi!
Norðurtanga - 355 Ólafsvík - Sími 430 3700 - fmis@fmis.is
Orrustuskipið Royal Oak (Konungseikin). Á árunum
milli stríða var Royal Oak eitt helsta orrustuskip breska
heimsveldisins og bar gælunafnið The Mighty Oak
(Eikin volduga). Royal Oak var enda mikið skip, alls
189 metra langt, 27 metra breitt og mældist 31.000
tonn. Því var sökkt í september 1939. Alls féllu á níunda
hundrað manns.
Vígamaðurinn Günther Prien (16. janúar 1908 – líklega 7.
mars 1941) hlaut að lokum vota gröf með sínum mönnum
djúpt suður af Íslandi. Það var á þeim slóðum þar sem
íslensk skip stunda nú kolmunnaveiðar á vorin. Hér er hann
á stjórnpalli kafbátsins U47 sem varð líkkista hans.