Sjómannablaðið Víkingur - 01.03.2014, Qupperneq 54

54 – Sjómannablaðið Víkingur
HD 6/16-4 M
HD 6/16-4 MX
HD 10/25-4 S
K Ä R C H E R S Ö L U M E N N
V E R T U Á Ö R U G G U M S T A Ð
Smiðjuvegi 66 • 200 Kópavogi
Sími 580 5800 • www.landvelar.is
Háþrýstar Dælustöðvar
Hönnum og smíðum háþrýst vökvakerfi,
dælustöðvar og stjórnbúnað.
Áratuga reynsla og þekking.
Ragnar Elísson brást við bréfi Örnólfs Thorlacíusar í seinasta
tölublaði og skrifaði:
Sæll Jón,
Las mér til ánægju skrif þín og bréfhluta Örnólfs Thorlacíus-
ar í Víkingnum, takk fyrir þau. Það er nú svo að þegar ég les
eða heyri gátu get ég ekki annað en brotið um hana heilann og
hætti því ekki fyrr en svar er fundið með einum eða öðrum
hætti.
Orðagátur og nýsmíð Örnólfs finnst mér skemmtileg og mín
tillaga að lausn er: Ráðstefna í neðra = áramót ; Gleðikona á
íþróttamóti = kappmella
Ég forðast orðafár og er fremur orðafár.
Með góðri kveðju,
Ragnar
*
Örnólfur sættir sig vel við þetta svar og sendir til baka sex
ráðgátur sem ég er enn að baksa við að leysa, er byrjaður á
þeirri sjöttu, að vísu án þess að hafa ráðið hinar á undan. Mig
vantar hjálp.
• Í bókaskáp standa saman I. og II. bindi sama verks (í hefð-
bundinni röð: I vinstra megin við II), bæði jafnstór: Aftara
og fremra bókarspjald eru ½ cm hvort að þykkt lesmáls þar
á milli er 10 cm; hvort bindi sem sagt 11 cm þykkt. – Bóka-
ormur er að gæða sér á verkinu, og étur göng gegnum
bækurnar. Ef hann étur sér stystu leið frá fyrstu síðu í fyrra
bindi aftur á síðustu síðu í hinu síðara, hve langt hefur hann
þá farið?
• Sveinn Björnsson var sem kunnugt er fyrsti forseti Íslands.
Samtímis honum hélt Jósef Stalín um stjórntauma í Sovét-
ríkjunum. Og nú er spurt. Hvað var þeim sameiginlegt, ann-
að en þjóðhöfðingjatignin? [Til glöggvunar skal þess getið að
svarið tengist þjóðerni annars en hjúskaparstöðu hins.]
• Orðið bacalao sést oft á matseðli á Spáni (bacalhau í Portú-
gal. Við spyrjum: Hver er íslensk þýðing orðsins? [Tekið skal
fram að svarið er ekki „saltfiskur“ .]
• Dauðadæmdur maður fær að velja hvort hann verði hengdur
eða hálshöggvinn. Valið felst í því að maðurinn á setja fram
ákveðna staðhæfingu, sem sannanlega er annað hvort sönn
eða ósönn. Ef yrðingin er sönn, verður hann hálshöggvinn,
annars hengdur. Maðurinn sér við þessu, enda mikið í húfi,
og mælir nokkur orð, sem tryggja, að dómnum verður ekki
framfylgt. Hvað sagði maðurinn?
• Ýmis lög hafa á ýmsum tímum og stöðum bannað eða sett
skorður við giftingu skyldra eða venslaðra einstaklinga.
Nú spyrjum við samviskuspurningar: Er ástæða til að lög-
festa bann við því að maður giftist systur ekkju sinnar?
[Rökstuðnings er óskað.]
• Þegar dvergarnir sjö komu að Mjallhvítu í baði verður við-
brögðum þeirra vel lýst með heiti á gosdrykk. Hvaða gos-
drykkur ætli það hafi verið?