Sjómannablaðið Víkingur - 01.03.2014, Side 52
52 – Sjómannablaðið Víkingur
skipinu, hin eru styttri. Freigátan er
2.755 tonn, 112 metra löng en tólf metr-
ar breiðust, hámarkshraði 32,5 sjómílur
á klukkustund, búin fallbyssum og eld-
flaugabyssum, auk tækjum og tólum til
að granda kafbátum. Já, Peter Skram var
sannarlega alvöru innlegg í kalda stríðið.
Það vekur athygli mína hversu stýris-
húsið er lítið, já raunar varla meira en
kamarhús samanborið við togara nútím-
ans – mig vantar samanburðinn við nú-
tíma herskip. Svo átta ég mig á því að í
skuggsælum bakrýmum, þaðan sem ber-
ast torkennileg hljóð og tilkynningar,
hefur verið þéttsetinn bekkurinn við alls-
konar græjur sem þar eru. Vitaskuld
fylgdi fullkominn tækjabúnaður gjöfinni
svo fylgjast mætti grannt með óvininum
og granda honum slægi í harðbakkann.
Annað sem vekur athygli mína er bar-
inn sem offisérarnir höfðu fyrir sig. Að
vísu ekki stór en alvöru með barstólum
og tilheyrandi. Ósjálfrátt tengi ég saman
barinn og óhappið sem varð í septem-
ber 1982 þegar flugskeyti sagði skilið
við skipið út af norðurenda Jótlands og
sprakk í sumarhúsabyggð, einum 34
kílómetrum fjær. Fjórir sumarbústaðir
gjöreyðilögðust og 130 urðu fyrir meiri
eða minni skemmdum. Sem betur fer
voru sumarfrí að baki þegar þetta gerðist
og fátt fólk á staðnum. Enginn meiddist.
Það mega Danirnir eiga að þeir gera
ekki minnstu tilraun til að draga fjöður
yfir þennan atburð, þvert á móti er vakin
sérstök athygli á honum um borð í Peter
Skram. Það má hins vegar efast um gott
innræti höfundar að tengja árásina á
sumarbústaðina við barinn um borð.
Auðvitað fór fram ítarleg rannsókn á
óhappinu og niðurstaðan varð sú að
enda þótt gera mætti alvarlegar athuga-
semdir við offisérana er ollu skotárásinni
var þó fyrst og fremst um að kenna galla
í hönnun Harpoon-skotflauga-kerfisins.
Enginn kafbátur í dag
Það fór eins og hin danski vinur minn í
miðasölunni sagði. Mér dugði ekki dag-
urinn til að skoða skipið. Þegar ég steig
á Fílinn aftur, en bryggjan er nefnd svo
eftir skipi er þarna var sökkt og varð
uppistaðan í bryggjunni, var hætt að
rigna en aðeins tekið að bregða birtu.
Ég ákvað því að tefla ekki á neina tví-
sýnu en hraðaði mér út úr herstöðinni.
Framhjá tundurskeytabátnum og kaf-
bátnum. Ég skoða þá næst.
Káetur yfi rmanna. Í brúnni.
MHV 907 Hvidsten er danskur varðbátur, smíðaður 2008. Kafbáturinn er fjær.
Í fjarskiptaklefanum var Villy Nielsen á vaktinni. – Við erum hér í sambandi við allan heiminn. Líka Ísland,
segir hann brosandi og hvetur íslenska radíóamatöra til að hafa samband. Morsið OZ1RDN. Í þessu sé ég að
Villy hefur skrifað á blað er hann lætur mig hafa: Home Call, OZ1AAR. Nú ef þetta dugar ekki þá er net-
fangið, oz1rdn@pederskramsvenner.dk – Villy, ég vona að ég hafi ekki klúðrað þessu alveg.