Sjómannablaðið Víkingur - 01.03.2014, Blaðsíða 44

44 – Sjómannablaðið Víkingur
H
já Ísmar selja þeir hitamynda-
vélar sem Víkingur er búinn að
heyra miklar sögur af. Hann
ákvað því að forvitnast nánur um þessi
undratæki. Fyrir svörum varð Gísli
Svanur Eiríksson, sölustjóri hjá Ísmar.
„Við erum með umboð fyrir FLIR sem
er alger frumkvöðull í hitamyndavélum,
þróun þeirra og framleiðslu. Og tæknin
er sannarlega göldrum líkust. Já, það má
kalla hitamyndavélarnar galdratæki án
þess að ýkja mikið. Með þeim má sjá
jafnt að degi sem nótti. Þannig eru þær
mikilvægt öryggistæki. Falli til dæmis
maður útbyrðis og dimmt er yfir, jafnvel
biksvart vetrarmyrkur eins og það gerist
svartast við Íslandsstrendur, þá sést við-
komandi engu að síður í hitamyndavél-
inni, rétt eins og væri hábjartur dagur.
Þessu til staðfestingar get ég nefnt að
björgunarsveitir um allt land eru nú
komnar með slíkan búnað. En það var
haustið 2011 sem við seldum fyrstu hita-
myndavélarnar til sveitanna þegar Björg-
unarfélag Ísafjarðar og Björgunarsveitin í
Búðardal keyptu af okkur litlar hand-
hægar vélar sem má þess vegna ganga
með í vasanum. Stærri hitamyndavélarn-
ar eru festar, til dæmis í brúna, rafdrifnar
og má velta þeim á alla kanta, snúa og
halla. Landhelgisgæslan er með stærri
græju og úr því ég minnist á Gæsluna þá
kom hitamyndavélin að góðum notum
þegar Fernanda brann í fyrra en þá gátu
varðskipsmenn fylgst með þróun eldsins
með hjálp hitamyndavélarinnar.
Sannleikurinn er nefnilega sá að hita-
myndavélin er ekki aðeins öflugt björg-
unatæki heldur er gagnsemi hennar ansi
miklu meira, og réttlætir þó björgunar-
þátturinn einn og sér að útgerðir kaupi
hana. Og vissulega hafa útgerðarmenn
áttað sig á þessu undratæki og víðtækri
gagnsemi þess. Til dæmis hafa Síldar-
vinnslan, Brim og Gjögur – já og Hafró –
öll fjárfest hitamyndavélum.
Það er til dæmis fínt fyrir uppsjávar-
skipin og líka minni bátana að hafa þær
við höndina þegar þarf að finna nóta-
hringi eða bauju í svarta myrkri – eða að
hitta í höfn þegar ekki sér úr augum eins
og þeir gera á Herjólfi í Landeyjarhöfn –
og þegar siglt er í ís. Í vélarrúmin má
nota þær til að fyrirbyggja tjón og þar af
leiðandi mikinn kostnað og ef grunur
leikur á að ísklefinn sé orðinn óþéttur er
ákaflega fljótlegt með hitamyndavélinni
að ganga úr skugga um hvort það sé rétt
og þá hvar hitainnstreymið er.
Við hjá Ísmar bjóðum auðvitað upp á
námskeið í notkun hitamyndavélanna,
hvort sem nota á þær á sjó eða landi –
þar sem þær geta líka komið að marg-
háttuðum notum .“
Hitamyndavélar
- sannkölluð galdratæki
Fernanda brennur. Hitamyndavél hjálpaði varðskipsmönnum að fylgjast með útbreiðslu eldsins.
Mynd: Guðmundur St. Valdimarsson
Framundan er ís sem ekki sést í radar. Þá kemur hitamyndavélin í góðar þarfi r.