Vaka : tímarit um þjóðfélags- og menningarmál - 01.03.1939, Síða 82

VAKA 2. árg. . Jan.-viarz 1939
hina hættulega stéttabaráttu, flokk, sem
ber alla einstaklinga þjóðarinnar jafnt
fyrir brjósti. Sá flokkur myndi líta með
velþóknun til þeirra, sem í raun og veru
draga björgina í bú þjóðarinnar, en
byggja ekki afkomu sína á því, að hrifsa
af þeim, sem einhvers hafa aflað.
Jónas Jónasson.
Fyrirspurn
TTAKA biður alla lesendur sína að svara
’ eftirfarandi fyrirspum:
Teljið þér ástœðu til og óskið þér
eftir, að Vaka flytji greinaflokka um
hreinlœti, snyrtingu og háttprýði; um
líffrœði og heilsuvernd, og um matar-
œði?
Svörin óskast send ritstjóra Vöku
sem allra fyrst eftir útkomu þessa heftis.
Það er einnig mjög æskilegt, að les-
endurnir segi álit sitt á ritinu um leið
og þeim svara fyrirspurninni. Og það
er fastlega til þess mælzt af ritsins
hálfu, að sagt sé til um það, sem aflaga
þykir fara um útgáfu og ritstjórn Vöku.
Itréf til Vöku og' Vökuiuauna
T/"aka, málgagn íslenzkra Vökumanna!
Mig langar til að senda þér línu og
þakka þér þann fróðleik og ánægju,
sem þú hefir veitt mér. — Og um leið
og ég læt í ljósi ánægju mína yfir því
efni, sem þú hefir flutt til þessa, vil ég
benda á eitt mál, sem þú átt að láta
til þín taka. Það er áfengismálið.
Áfengisbölið er mesta mein íslenzku
þjóðarinnar. Árlega ver þjóðin fé, sem
skiptir miljónum króna, til kaupa á
áfengi, og leiðir með því yfir sig böl, sem
engin orð fá lýst. Við sjáum margan
heimilisföðurinn liggja ósjálfbjarga og
hjálparvana fjarri heimili sínu, eftir of-
nautn áfengra drykkja. Áfengið hefir
hann e. t. v. keypt fyrir sinn síðasta
eyri, samtímis því, sem heimili hans er
bjargarlaust og konu hans og börn
skortir helztu lífsnauðsynjar.
Þetta mál á Vaka að láta til sín taka.
Og Vökumenn eiga að leggja mikla
80
áherzlu á baráttuna gegn áfenginu.
Þeir eiga að taka höndum saman við
þau ungmennafélög, sem markvíst vinna
að útrýmingu áfengisins. Við, sem
stöndum utan við félagsskap Vöku-
manna.erum fús til að leggja það liðsinni,
er við megum. Og ef allar hendur, sem
vilja vinna að þessu nauðsynjamáli,
vinna einhuga, mun okkur áreiðanlega
takast að steypa Bakkusi konungi af
stóli.
Vökumenn! Eg færi ykkur mínar beztu
og hugheilustu árnaðaróskir. Þróttmikil
æska hyllir stefnu ykkar og starf, sem
mótað er fögrum og þýðingarmiklum
hugsjónum.
Alexander Jóhannsson.
Fundni' að Laugarvatni
y t augardaginn 11. febr. fóru þeir Ingi-
mar Jónsson skólastjóri, Jónas Jóns-
son skólastjóri og Pétur Ottesen al-
þingismaður austur að Laugarvatni og
héldu þar fund á vegum Vökumanna-
hreyfingarinnar um kvöldið. Sátu fund-
inn á þriðja hundrað manns úr skólan-
um og sveitinni.
Ingimar talaði um hættuna af of-
beldisflokkunum, sem leynt og ljóst
græfu undan frelsi og sjálfstæði íslend-
inga. Pétur um lokaþátt frelsisbaráttu
íslendinga og áfengisbölið, sem stefndi
framtíð þjóðarinnar í voða. Jónas sýndi
fram á, að þótt leiðir þjóðhollra íslend-
inga skildust um margt, hlytu þeir þó að
sameinast um vemdun sjálfstæðis og
mannréttinda þjóðinni til handa, til
þess að viðhalda hreysti, heilbrigði og
heiðri þjóðarinnar og til þess að skapa
hér sterkt og heilbrigt þjóðlíf.
Ræðumönnunum var öllum tekið hið
bezta og góður rómur gerður að máli
þeirra. Munu allir vera á einu máli um,
að för þessara þriggja manna sýni vax-
andi skilning meðal leiðandi manna í
lýðræðisflokkunum þremur um nauð-
syn þess, að allir lýðræðissinnar taki
höndum saman til þess að varðveita sín
helgustu réttindi og vera á verði gegn
utan að komandi hættu.