Borgfirðingabók - 01.12.2004, Blaðsíða 68

66
Borgfirdingabók 2004
A krœklingafjöru. Myndin er tekin ífjöruferb starfsmanna sýsluskrifstofunn-
ar í Borgarnesi 2. maí 2003 og sýnir mœðgurnar Guðrúnu Olafsdóttur og
fóhönnu Marín Björnsdóttur tína krækling. Ljósm. Kristján Ingi Hjörvarsson.
fyrstu fimm árin. Reksturinn skilar ekki arði fyrstu árin. En nú
er þetta komið á rekspöl.
Arnheiður: Við værum ekki að þessu ef það skilaði ekki ein-
hverju. En á það er að líta að við Guðmundur erum bæði í
vinnu annars staðar. En við tökum okkur frí frá þeirri vinnu
um sauðburðinn.
Blaðamanni Borgfirðingabókar leikur hugur á að vita í hver-
ju aðdráttarafl Bjarteyjarsands er fólgið.
í fólkinu sem hérna býr, segir Arnheiður, og þær Kolbrún
hlæja við.
Arnheiður: Börnin sem hingað koma gera það fyrst og fremst
til að fá smáinnsýn inn í sveitalífið. Hérna opnum við búið okk-
ar, sem er frekar stórt sauðfjárbú, fyrir þeim. Þau hafa hvergi
möguleika til að komast í kynni við svona búskap nema þá fýr-
ir persónuleg tengsl. Það eru tveir bæir í Kjósinni sem taka á
móti börnum. Þar er fyrst og fremst stundaður kúabúskapur.
Svo erum við svo lánsöm að hafa fjöruna hérna rétt fyrir neð-