Borgfirðingabók - 01.12.2004, Blaðsíða 129
Borgfirðingabók 2004
127
Það voru píanóleikarar úr Borgarfjarðarhéraði, Jónína Arnar-
dóttir og Zsuszanna Budai, sem léku eftirminnilega fjölbreytta
dagskrá, og kvenfélagið sá um kaffiveitingar í hléi.
Aðventutónleikar félagsins í upphafi aðventu eru að jafnaði
lialdnir í samvinnu við Borgarfjarðarprófastsdæmi og Reyk-
holtskirkju, og að þessu sinni voru þeir í höndum blásarasveit-
ar Kjartans Óskarssonar, Sigurðar I. Snorrasonar, Emils Frið-
fmnssonar, Þorkels Jóelssonar, Brjáns Ingasonar og Björns
Árnasonar, en þeir léku á klarínettur, horn og fagott, og Sig-
rúnar Hjálmtýsdóttur sópransöngkonu.
I lokjanúar á nýju ári voru haldnir Vínartónleika í nýjum há-
tíðarsal að Bifröst, en á þeim tónleikum söng Hanna Dóra
Sturludóttir söngva frá Vín með viðeigandi hljóðfæraleik Sig-
rúnar Eðvaldsdóttur, fiðlu, Roland Hartwell, fiðlu, Bryndísar
Höllu Gylfadóttur, selló, Hávarðar Tryggvasonar, kontrabassa,
Martial Nardeau, flautu, Sigurðar Ingva Snorrasonar, klar-
ínettu, Péturs Grétarssonar, slagverk og Önnu Guðnýjar Guð-
mundsdóttur, píanó.
Til þess að sinna þeim, sem hafa áhuga á djass-sveiflu og lét-
tri tónlist kom hingað Egill Ólafsson söngvari og fjöllistamað-
ur og með honum voru Björn Thoroddsen, gítar, Gunnar
Hrafnsson, bassi og Ásgeir Óskarsson, trommur. Þessir tónleik-
ar voru haldnir í matsal Landbúnaðarháskólans á Hvanneyri í
mars.
Félagið reynir að dreifa tónleikum um héraðið eftir mætti
og hentugleikum og aðsókn á þá er í flestum tilvikum mjög
góð.
Félagar greiða árgjald og fyrir það fá þeir aðgang fyrir tvo
að öllum tónleikum á vegum félagsins. Reynt hefur verið að
stilla félagsgjaldinu í hóf til þess að hvetja sem flesta til að vera
með, en virkir félagar nú eru um 100 talsins.
Auk félagsgjalda hafa sveitarfélögin styrkt starfið svo og ýms-
ar stofnanir og fyrirtæki.
Jónína Eiriksdóttir Kleppjárnsreykjum.