Borgfirðingabók - 01.12.2004, Blaðsíða 98

96
Borg/irdingabók 2004
lengri eða skemmri dvalar við samstarfsskóla Bifrastar í 8 lönd-
um og 17 erlendir nemendur stunduðu nám á Bifröst. A næsta
ári er stefnan sett á að gera enn betur þegar ríflega 40% nem-
enda hyggja á landvinninga í 9 löndum.
Nýtt rannsóknar- og þekkingarsetur
Framkvæmdir eru hafnar við byggingu nýs 3.500 m2 húss
sem annars vegar mun hýsa rannsóknar- og þekkingarsetur og
hins vegar nemendagarða. Forseti Islands, hr. Olafur Ragnar
Grímsson, tók fyrstu skóflustunguna að húsinu á 85 ára afmæli
skólans hinn 5. desember sl., en áætluð verklok eru hinn 15.
ágúst 2005.
Rannsóknarsetur í húsnæbismálum
Þann 24. ágúst 2003 var undirritað samkomulag milli Við-
skiptaháskólans, Félagsmálaráðuneytisins og Ibúðalánasjóðs
um rannsóknarsetur í húsnæðismálum sem staðsett er á Bif-
röst. Hlutverk setursins er að vinna að víðtækum rannsóknum
á húsnæðis- og fasteignamarkaði, vera stjórnvöldum og fagað-
ilum til ráðuneytis um húsnæðismál, hafa umsjón með sér-
stakri gagnaöflun og úrvinnslu upplýsinga á sviði húsnæðis-
mála auk útgáfu rannsóknarniðurstaðna og rita um húsnæðis-
mál.
Máttur kvenna
I febrúar 2004 hófst rekstrarnám fýrir konur í atvinnurekstri
sem búa í NV kjördæmi. Um er að ræða ellefu vikna fjarnám
með tveimur vinnuhelgum á Bifröst. Um 70 konur víðsvegar úr
kjördæminu tóku þátt í náminu. Byggðastofnun styrkti verk-
efnið sem unnið var í samstarfi við Símenntunarmiðstöð Vest-
urlands, Fræðslumiðstöð Vestfjarða, Farskóla Norðurlands
vestra og atvinnu- og jafnréttisráðgjafa Byggðastofnunar.
Hólmfrídur Sveinsdóttir,
verkefnastjóri rannsókna- og kynningamála.