Borgfirðingabók - 01.12.2004, Qupperneq 38

36
Borgfirðingabók 2004
þeirra tómstundahúsa sem eru í héraðinu orðið að misjafnlega
varanlegum heimilisstað. Héraðið hefur mjög sterka kosti og
möguleika í þessu.
Nú á dögum búa einstaklingar og Ijölskyldur ekki öll aðeins
á einum stað hver. Það færist í vöxt að menn eigi tvö heimili og
jafnvel langar vegalengdir á milli. Til þess að þetta geti þróast
og dafnað til góðs þarf að breyta ýmsum lögum og reglum. Til
dæmis þarf að gera ráð fyrir að opinber gjöld skiptist milli
sveitarfélaga eftir því í hvaða hlutfalli menn haga búsetu og eft-
ir því hlutfalli sem fjölskyldur nýta sér samfélagsþjónustu á
hverjum stað.
Það er nú þegar brýnt hagsmunamál byggðanna á jaðri
borgríkisins, þar með talið á Miðvesturlandi, að beita sér fýrir
þeim breytingum á samfélagsreglum sem stuðla að tvöfaldri
búsetu. Þetta lýtur bæði að því að laða nýtt tekjuhátt eignafólk
til búsetu á svæðinu og að hinu að koma í veg fýrir að heima-
fólk neyðist til að flytjast brott þótt það leiti sér starfa annars
staðar eða einhverjir í fjölskyldunni þurfi að leita á önnur mið.
Annad hvort aftur á bak - ellegar nokkud á leíd
I þessum landshluta dugar ekki að halda áfram að hugsa
gamlar hugsanir. Það dugar ekki að hugsa til þess að halda
óbreyttum störfum. Borgarnes er nú í svipaðri stöðu og Bifröst
var fýrir einum og hálfum áratug: Annað hvort finna menn ný
úrræði eða staðnum verður lokað.
Rétt er að nefna í þessari sömu andrá til dæmis að alls kon-
ar fræðslustörf verða umsvifamikil í framtíðinni, regluleg
skólastarfsemi, afþreyingar- og tómstundanámskeið, útivist,
íþróttir og heilsurækt, endurmenntun og símenntun. Og
menn munu í vaxandi mæli finna slíkri starfsemi staði á útjöðr-
um borgríkisins. Það er líklegt m.a. að útlendingar vilji leita að
slíku hér. Þessari starfsemi fýlgir ótrúlega mikil og fjölbreytileg
þjónusta. Menntastarfsemi er reyndar nú þegar orðin einn um-
svifamesti atvinnuvegurinn á Miðvesturlandi. I fræðslustarf-
semi eru mikil sóknarfæri hér um slóðir.
Því má bæta við að fyrir nokkrum árum voru kannaðir
möguleikar á rekstri alþjóðlegra heilsustofnana hér í héraðinu.
Líklega eru ýmsir möguleikar í slíku sem vert er að skoða.