Fréttablaðið - 13.01.2023, Blaðsíða 21
Sandra Grétarsdóttir starfar
sem dáleiðandi og býður
fólki að koma til sín í með-
ferðardáleiðslu.
Aðspurð hvernig henni hafi dottið
í hug að læra meðferðardáleiðslu
segir hún:
„Ég hef lengi haft áhuga á því
hvernig við erum samsett sem
manneskjur og hvernig hugur
okkar starfar. Ég fór á grunnnám-
skeið í meðferðardáleiðslu hjá
Dáleiðsluskóla Íslands fyrst og
fremst til að fræðast meira um
starfsemi hugans og svala forvitni
minni um hvernig dáleiðsla virkar
á huga og líkama.“
Sandra heldur áfram: „Nám-
skeiðið var mjög áhugavert og
það má segja að það hafi opnast
nýr heimur fyrir mér. Námið var
ítarlegt og vel skipulagt, nemendur
strax látnir vinna mikið verklega
með því að dáleiða hver annan.
Þegar grunnnámskeiðinu lauk
hafði ég gert mér grein fyrir því
hvað dáleiðsla er mögnuð aðferð til
að aðstoða fólk í átt að betri líðan
bæði andlega og líkamlega. Ég hef
mikla löngun til að hjálpa fólki
og það er mjög gefandi að upplifa
það þegar einstaklingur nær bata
andlega og/eða líkamlega. Það lá
því beint við að taka framhalds-
námskeiðið hjá sama skóla sem
nefnist Hugræn endurforritun, en
með þeirri meðferð er hægt að ná
ótrúlegum árangri.“
Sandra segist ekki hafa gert sér
ljóst fyrir námskeiðið hvernig
reglurnar sem við höfum lært
ómeðvitað frá því við vorum börn
stjórna lífi okkar. „Það má segja
að við förum flest á sjálfstýringu í
gegnum lífið. Við fylgjum reglun-
um sem búa í undirvitund okkar í
öllum samskiptum og því sem við
tökum okkur fyrir hendur.
Á fyrstu árunum safna börn
upplýsingum um hvernig eigi að
hegða sér í fjölskyldunni og í þjóð-
félaginu og þau trúa einfaldlega
öllu sem þau sjá og heyra. Á þessu
tímabili er undirvitundin mest að
störfum og allt í umhverfi barns-
ins, gott eða slæmt, síast þar inn
eins og barnið upplifir það. Það
má kalla þetta forritun þar sem
þetta verður í huga viðkomandi til
frambúðar,“ segir hún.
„Undirvitundin geymir minn-
ingar okkar og tilfinningar, þar
verða til vana- og hegðunarmynst-
ur. Þessum vana- og hegðunar-
mynstrum getur verið erfitt að
breyta þar sem við höfum almennt
ekki aðgang að undirvitundinni.
Það er þó hægt að breyta þeim í
dáleiðslumeðferð. Þar vinnum við
djúpt í undirvitundinni í sam-
vinnu við meðferðarþegann. Við
skoðum og tökum á tilfinningum
og afleiðingum þeirra og breytum
vana- og hegðunarmynstrum til
þess að meðferðarþeginn öðlist
betri líðan.“
Hreinsum hugann
„Í Hugrænni endurforritun
byrjum við á að hreinsa hugann af
því sem hefur íþyngt okkur, oftast
í fjölda ára. Það eitt getur létt á
andlegri líðan og skapað rými
fyrir eitthvað uppbyggilegra,“
segir Sandra um framkvæmdina.
„Það má segja að dáleiðslu-
ástand sé í raun eðlilegt hugar-
ástand sem við upplifum oft í
daglegu lífi, til dæmis þegar við
sökkvum okkur ofan í góða skáld-
sögu eða sumir jafnvel við upp-
vaskið. Í meðferðardáleiðslu förum
við dýpra í undirvitundina. Öll
meðferðardáleiðsla er í raun leidd
sjálfsdáleiðsla þar sem dáleiðandi
er leiðbeinandi en vinnan fer fram
í undirvitund dáleiðsluþegans.
Dáleiðsluþeginn þarf sjálfur að
vilja þær breytingar, framför eða
bata sem eftir er sóst og ekkert er
gert án hans samþykkis.“
Sandra segir að afleiðingar
áfalla séu oft mjög miklar.
„Margir kvillar sem við glímum
við eru afleiðingar áfalla og oft á
tíðum hefur hugurinn fundið sér
ákveðna leið til að takast á við þær
tilfinningar sem fylgja áföllum. Ef
við tökum fíkn sem dæmi þá má
segja að fíknin sé ekki rót vandans
heldur einkenni hans. Fíknin er
þá leiðin sem viðkomandi hefur
notað til að bæla niður tilfinn-
ingarnar sem fylgja rót vandans.
Rót vandans er í undirvitundinni
og hana er hægt að uppræta,“
útskýrir hún.
„Þau sem hafa leitað til mín
hafa öðlast betra líf á margan
hátt. Þau hafa meðal annars
öðlast skýrari sýn á lífið, náð
betri svefni, losnað við erfiðar
tilfinningar, náð sáttum við sjálfa
sig og aðra, losnað undan fíkn,
fengið lausn frá vefjagigt, depurð,
ótta og kvíða. Við getum sjálf
gert ýmislegt til að stjórna huga
okkar, en þegar aðstoðar er þörf
þá er meðferðardáleiðsla ein af
áhrifaríkustu og varanlegustu
leiðunum.“ n
Í náminu opnaðist fyrir mér nýr heimur
Sandra segir meðferðardáleiðslu eina af áhrifaríkustu og varanlegustu leiðunum til að ná stjórn á huganum.
FRÉTTABLAÐIÐ/ERNIR
Íris Huld Hákonardóttir
starfar sem sjúkraþjálfari og
klínískur dáleiðandi og hefur
fjölmörg önnur verkfæri í
verkfærakistunni.
Þegar Íris Huld er spurð að því
hvernig stóð á því að hún fór í nám
í meðferðardáleiðslu segist hún
alltaf hafa haft áhuga á öllu sem
við kemur líkamanum.
„Ég er lærður íþróttakennari frá
Kennaraháskólanum, einkaþjálfari
og lauk námi í sjúkraþjálfun í Kaup-
mannahöfn árið 2006. Ég hélt svo
áfram að bæta ýmsu við í verk færa-
kistuna mína, lærði höfuðbeina- og
spjaldhryggjarmeðferð (Cranio),
OPJ orkupunktajöfnun og sat
fjölmörg námskeið bæði varðandi
sjúkraþjálfun og annað,“ segir hún.
„Mér varð strax ljóst að ég var
að vinna með hugann jafnt og
líkamann. Ég upplifði til dæmis að
afleiðingar áfalla sem við vinnum
ekki úr setjast oft einhvers staðar
í líkamann sem verkir eða koma
fram sem sjúkdómar síðar á lífs-
leiðinni. Áföllin þurfa alls ekki
að vera alvarlegs eðlis til þess að
líkaminn geymi þau einhvers
staðar. Oft erum við ekki meðvituð
um afleiðingar áfalla en líkaminn
geymir þær.“
Íris Huld segir að dáleiðslunámið
hafi komið á óvart þótt hún hafi
lesið mikið um dáleiðslu.
„Námið hjá Dáleiðsluskóla
Íslands var allt öðruvísi nám en
nokkuð sem ég hafði lært áður.
Miklu dýpra. Ég upplifði mjög
jákvæðar breytingar á sjálfri mér
í náminu og hópurinn sem ég
lærði með var frábær. Að kynnast
undirvitundinni er mjög sérstök
Hægt að vinna með allt mannlegt
Íris hefur meðal annars notað sjálfsdáleiðslu til að stjórna eigin líðan.
FRÉTTABLAÐIÐ/VALLI
Í Hugrænni endur-
forritun byrjum
við á að hreinsa hugann
af því sem hefur íþyngt
okkur, oftast í fjölda ára.
Sandra Grétarsdóttir
• Það er mikil eftirspurn eftir sálfræðitímum og langir biðlistar
hjá flestum þeirra.
• Það er til önnur og mun hraðvirkari leið til að bæta andlega líðan:
• Klínísk meðferðardáleiðsla og Hugræn endurforritun.
• Kynntu þér málið hér ! https://fkdal.is/endurforritun
upplifun, nokkuð sem allir ættu
að læra. Ég fékk aðgang að sjálfri
mér, þessum hluta sem er venjulega
utan seilingar.
Nú get ég notað sjálfsdáleiðslu
til þess að stjórna því hvernig
mér líður. Ef ég er að fara í eitt-
hvað krefjandi verkefni þá fer ég í
sjálfsdáleiðslu. Ég sé fyrir mér að
allt gangi vel og set inn jákvæða
sýn á það sem ég er að fara að gera.
Ég hef einnig notað dáleiðslu til
að hætta að fresta verkefnum. Við
það minnkaði streitan og mér líður
svo miklu betur. Frestunarárátta
getur verið mjög streituvaldandi.
Oft eru þetta ekki einu sinni stór
og tímafrek verkefni sem verið er
að velta á undan sér og með sjálfs-
dáleiðslu er auðvelt að koma þeim
í verk.“
Íris Huld hefur náð mjög góðum
árangri með meðferðarþegum
sínum, en hún notar fyrst og fremst
Hugræna endurforritun, sem er
unnin í dáleiðsluástandi.
„Það hefur aldrei komið fyrir hjá
mér að meðferðarþegi dáleiðist
ekki. Ég á þá reynslu eftir. Þau sem
hafa komið til mín hafa náð mjög
góðum árangri, meðal annars
minnkað verki, aukið sjálfstraustið,
náð tökum á mataræði, losnað
við erfiðar hugsanir og byrjað
reglulega hreyfingu sér til góðs og
ánægju.
Það má segja að listinn yfir
það sem hægt er að bæta með
Hugrænni endurforritun sé nær
endalaus. Kvíði og þunglyndi eru
stærstu málin en í raun er hægt að
vinna með allt sem mannlegt er
og ná árangri,“ segir Íris Huld að
lokum. n
kynningarblað 9FÖSTUDAGUR 13. janúar 2023 SKÓLAR OG NÁMSKEIÐ