Veiðimaðurinn - 01.12.1989, Qupperneq 39

Orri Vigfússon
Kaup á laxveiði-
heimildum í sjó
Ég held að það sé grundvallarsjónarmið
flestra veiðimanna á Islandi að laxinn eigi
að fá að dafna eðlilega og ná fullum þroska
- og að hann eigi óhindrað að fá að ganga til
baka í árnar þaðan sem hann er upp-
runninn.
Hættum sem steðja að laxi í hafínu má
skipta í eftirfarandi höfuðflokka: 1. Nátt-
úrusveiflur í hafínu. 2. Olöglegar neta-
veiðar á grunnslóð og í úthöfum. 3.
Drauganet. 4. Löglegar úthafsveiðar.
Ólögleg netaveiði í sjó
Eins og fram kom í fréttum síðastliðið
sumar var gert hressilegt átak gegn ólög-
legum netaveiðum - sérstaklega í Húna-
vatnssýslu og Þingeyjarsýslum.
Við í Laxárfélaginu, í samvinnu við
ISNO í Kelduhverfí, fengum til liðs við
okkur engan annan en Sigurð Arnason
skipherra, margreyndan landhelgismann,
og vil ég fyrir hönd okkar stangaveiði-
manna flytja honum sérstakar þakkir fyrir
hve vel tókst til hjá okkur í þessum efnum
í sumar. Ég átti þess kost að starfa með
Sigurði að þessum málum í sumar og hafði
sérstaka ánægju af að fylgjast með vand-
virkni hans og kunnáttu. Ég vonast til að
hann verði veiðimönnum áfram að liði í
þessum netamálum í framtíðinni, - en
veiðieftirlit í sjónum umhverfis landið er
meira og minna í ólestri.
Það er einkum tvennt sem ég er ánægð-
ur með úr herferð okkar í sumar gegn ólög-
legum laxveiðum í sjó:
Orri Vigfússon forstjóri í Reykjavík er
formaður Laxárfe'lagsins (Laxá í Aðaldal).
Meðfylgjandi grein er byggð á erindi, sem
hann flutli á aðalfundi L.S. 4. nóv.
VEIÐIMAÐURINN
37