Arkitektúr og skipulag - 01.04.1988, Blaðsíða 19
Moldvarpan frá Dalverki
gerir ótrúlega h I uti
fyrir Póst og sima
í septembermánuði síðastliðnum kom til landsins nýstárleg borvél á
vegum Dalverks sf. í Reykjavík. Þessi borvél, sem í daglegu tali er kölluð
moldvarpan, er sú fyrsta sinnar tegundar hérlendis. Þessi vél er sérstök að
þvf leyti, að hún er í eðli sfnu þrýstibor, sem þrýstir sér í gegnum
jarðveginn, og myndar þannig holur, sem geta t.d. verið notaðar til þess
að leggja hvers konar rör og leiðslur.
Moldvarpan er þýskrar ættar, en hefur verið mikið notuð víða um
Evrópu. í Bretlandi hefur hún verið sérstaklega notuð í endurnýjunarstarfi
gasstöðvanna. Þar er um þessar mundir verið að endurnýja gaslagnir víða
um landið. Moldvarpan brýtur upp gömlu lagnirnar um leið og hún
dregur á eftir sér nýtt hlífðarrör. Síðan er ný þrýstipípa
dregin inn f hlífðarrörin á eftir.
Þessi nýstárlega aðferð hefur vissulega vakið mikla athygli, enda sparar
hún bæði verktökum og verkkaupendum tíma og peninga. Moldvarpan
hefur sérstöðu hvað varðar allar lagnir þar sem hún hvorki eyðileggur eða
rífur upp yfirborðið þar sem hún vinnur. Þetta er sérstaklega heppilegt
þar sem bora þarf undir götur, bílastæði, byggingar og önnur mannvirki.
Það var Grétar Páll Ólafsson, framkvæmdastjóri Dalverks, sem kynntist
þessari nýju tækni erlendis fyrir nokkru síðan. Hann sá að möguleikar
moldvörpunnar voru ekki síður hentugir við íslenskar aðstæður en
annars staðar, — og þá sérstaklega þegar þarf að vinna við borun eða
lagnir í frosnum jarðvegi. Dalverk sf. lagði því drög að því að fá þrjár
gerðir af moldvörpum til landsins, eins og fyrr segir. Þær komu til
landsins í haust og hafa verið gerðar út í vinnu síðan.
Moldvörpurnar hjá Dalverki sf. hafa komið sérstaklega vel út í verkefnum
fyrir Póst og Síma. Verkefnið felst í endurnýjun á símalögnum, t.d.
í Hveragerði. Þessi vinnuaðferð á eftir að skapa gjörbyltingu í lagnavinnu
t.d. fyrir rafveitur og sveitarfélög. Moldvörpurnar spara uppbrot, trufla
ekki umferð á meðan, og vinna hljóðlega.
Dalverk sf. hyggst í framtíðinni koma sér upp ýmsum sérvinnslutækjum,
sem stuðla að vinnusparnaði og betri vinnutækni. Moldvörpurnar eru
fyrsti liðurinn í þeirri áætlun.