Arkitektúr og skipulag - 01.04.1988, Blaðsíða 32

Mynd af stjórn Félags
húsgagna- og innanhúss-
arkitekta FHI.
Frá vinstri: Elísabet V.
Ingvarsdóttir, ritari,
Heiða Elín Jóhannesdótt-
ir, gjaldkeri, og Pórdís
Zoega, formaður.
mikil ráðstefna og sóttu hana um þaö bil 2000
manns víðs vegar að úr heiminum. Frá íslandi
sóttu hana þrír frá Félagi húsgagna- og innan-
hússarkitekta, tveir frá Form ísland og einn frá
Félagi grafískra teiknara.
Dagskrá ráðstefnunnar byggðist á fyrirlestr-
um, umræðum og skoðunarferðum á söfn og í
byggingar. Fyrirlesararnir fjölluðu um ýmsa
þætti hönnunar, meðal annars hönnunarnám,
hönnunartímarit, þróun hönnunar, markaðs-
setningu hönnunarvara, hönnun geimskipa,
viðbrögð hönnunar í fátækum samfélögum.
Á göngum ráðstefnubyggingarinnar voru
kynningar frá ýmsum skólum og sýnd verkefni
frá hönnunardeildunum. Þetta var mjög athygl-
isvert og spennandi. Einnig voru ýmis fyrirtæki
að kynna nýjustu hönnun sína. Ráðstefnan
setti svip sinn á alla Amsterdamborg og mátti
víða sjá þess merki. Má nefna að vel hannaðar
og sérstakar verslanir voru merktar tákni ráð-
stefnunnar. Hönnunarsýningar voru um alla
borgina og víðar því helstu söfn landsins buðu
upp á hönnunarsýningar.
Ráðstefnan var mjög áhugaverð og
skemmtileg þó ekki væri hún gallalaus með
öllu. Fyrirlesarar voru flestir ágætir þó sumir
hafi verið bæði illa undirbúnir og illa talandi á
ensku. Okkur fannst gaman að taka þátt í
þessari alþjóðlegu ráðstefnu, bæði til að fylgj-
ast meö því sem er að gerast erlendis og ekki
síst aö kynna og vekja áhuga annarra þjóða á
okkar landi og starfi.
Meðal áhugaverðustu fyrirlestranna voru:
Hönnunartímarit, -hönnun innréttinga í geim-
stöðvar, og notkun Ijósmyndatækni í hönnun.
Umræður um hönnunartímarit.
Deyan Sudjik, ritstjóri nýs bresks tímarits Blu-
eprint, hóf umræðurnar. Hann talaði um þróun
hönnunartímarita og nefndi að þau væru í
mörgum tilfellum ekki lengur óháður aðili í
gagnrýni og umfjöllun um hönnun. Síður blað-
anna væru nú keyptar af framleiðendum og
þannig væru greinar um þeirra hluti óbeinar
auglýsingar. Lesandinn væri því óvarinn fyrir
slíkri auglýsingu. Hann taldi þetta mjög var-
hugaverða þróun hjá fagtímaritum, því lesand-
inn missi traust sitt á tímaritinu um leið og
hann uppgötvi hvers kyns grein hann var að
lesa. Hann sagði aö ef umfjöllun um hönnun
ætti að vera fagleg yrði að sleppa þessum
vinnubrögðum því þau væru hvorki fagleg né
til fyrirmyndar. Hann taldi að blaðið Blueprint
spyrnti á móti þessari þróun, að fjármagn
framleiðenda ráði umfjöllun fagtímarita. Nauð-
synlegt væri að fagtímarit sinntu faglegri gagn-
rýni um hönnun, en það væri erfitt að gagn-
rýna hönnun þar sem mörg sjónarmið giltu.
Hann ræddi líka um hörgul á nýju efni fyrir
tímaritin og vildi þakka velgengni Memphis-
stefnunnar því að hún kom fram á slíku tíma-
bili.
Niðurstaðan í þessum umræðum var að
tímaritin verða að vanda betur umfjöllun um
hönnun, því þau geta stjórnað markaðnum
hverju sinni. Umræða um hönnun á að vera
fagleg, til þess að hönnun geti þróast.
HÖNNUN INNRÉTTINGA í GEIM-
STÖÐVUM.
f umhverfi þar sem upp er niður og niður
upp og sæti hafa ekkert notagildi, mætti ætla
að innanhússarkitekt væri óþarfur.
Athyglisverðan fyrirlestur um hönnun geim-
stöðva hélt John Frassantio, fyrrverandi hönn-
uður hjá N.A.S.A., geimrannsóknarstofnun
Bandaríkjanna. f kynningu var hann sagður
einn sérhæfðasti hönnuður heims.
Ný og framandi vandamál þarf innanhúss-
arkitektinn að leysa við innréttingu á geimstöð.
Rými eykst um 70% þegar engir veggir eru,
gólf né loft. Hlutina er í reynd aðeins hægt að
prófa úti í geimnum og upplýsingar fást aðeins
frá fáum geimförum á lýsingu þeirra á breyt-
32