Fréttablaðið - 29.03.2023, Síða 40

Coca-Cola á Íslandi leggur
mikla áherslu á umhverfis-
vænni framleiðsluaðferðir
og umbúðir. Fyrirtækið er
sífellt að vinna að því að
draga úr kolefnisfótspori
og hefur fjárfest í nýrri
hátækni framleiðslulínu,
sem nýverið var sett upp á
Stuðlahálsi í Reykjavík, til að
ná þeim markmiðum.
Tinna Gunnlaugsdóttir, vöru-
merkjastóri hjá Coca-Cola á Íslandi,
segir að fyrirtækið kappkosti að
gera umbúðir sínar eins umhverfis-
vænar og mögulegt er. „Við vorum
sem dæmi að kynna til leiks nýjar
og léttari plastflöskur með áföstum
tappa sem fylgir með alla leiðina í
endurvinnsluna. Þetta er breyting
fyrir viðskiptavini sem þurfa að
venjast því að tappinn sé fastur á
flöskunni. Við viljum vera leiðandi
í umhverfismálum og þessi nýjung
er hluti af því,“ segir hún.
Tinna segir að árið 2019 hafi
Coca-Cola á Íslandi sett á markað
100% endurunnar plastflöskur og
var þannig eina fyrirtækið hér á
landi, og á meðal fyrstu fyrirtækja
í heiminum, til að framleiða plast-
flöskur úr 100% endurunnu plasti.
„Í þeirri nýjung hættum við að nota
nýtt plast í flöskurnar og minnkaði
kolefnisfótsporið vegna framleiðslu
á plastflöskum hér á landi um 44%.
Við viljum auka endurvinnslu
eins mikið og mögulegt er, þannig
verður til hringrás við fram leiðsl-
una sem krefst ekki notkunar á
nýju plasti. Það hefur verið mark-
mið Coca-Cola undanfarin ár að
minnka kolefnisfótspor sitt.“
Þegar Tinna er spurð hvort neyt-
endur muni finna mikinn mun á
nýju umbúðunum og þeim gömlu,
svarar hún: „Já, fólk gæti fundið
smá breytingu þar sem það er
ekki vant áföstum töppum. Með
nýjum áföstum töppum og léttari
plastflöskum munum við draga úr
plastnotkun um 15% til viðbótar
við ávinninginn með 100% endur-
unnu plastflöskunum og náum
þannig að minnka kolefnisfótspor
okkar um 52% frá árinu 2019 við
framleiðslu á plastflöskum hér á
landi,“ segir hún og bætir við að vel
hafi gengið að framfylgja umhverf-
isstefnunni og að þessi tvö verkefni
séu risastór skref í áætlunum fyrir-
tækisins um að verða kolefnishlut-
laust fyrir árið 2040.
Tinna bendir á að Coca-Cola
á Íslandi sé fyrst á Íslandi til að
framleiða flöskur með áföstum
tappa en það hafi þegar verið gert í
mörgum löndum í Evrópu eins og í
Noregi, Svíþjóð og Spáni.
„Þessir markaðir hafa upp-
lifað smá kvartanir vegna nýju
umbúðanna enda er þetta vissu-
lega breyting. Við höfum verið
að undirbúa neytendur hér á
landi með því að upplýsa þá um
breytinguna en þess má geta að
hún er í samræmi við tilskipun frá
Evrópusambandinu og reglugerð
sem umhverfisráðuneytið er að
vinna að sem mun taka gildi í júlí á
næsta ári.
Þó svo að flestar flöskur skili sér
með tappanum á í endurvinnslu
þá er alltaf hægt að gera betur eins
og við þekkjum. Það er því hluti af
mjög mikilvægri stefnu Coca-Cola
að hafa sjálfbærni og samfélags-
lega ábyrgð í forgangi.“
Tinna segir tíma hafa verið
kominn á að uppfæra framleiðslu-
línu fyrir plastflöskur hér á landi
þar sem eldri búnaður hafi verið
kominn til ára sinna. Ákveðið var
að nýta tækifærið og breyta töpp-
unum í leiðinni, talsvert áður en
áætlað er að ný lög taki gildi. „Nýja
framleiðslulínan mun gera okkur
kleift að minnka sóun: spara vatn,
plast og orku, auk þess sem við
tryggjum betur gæði framleiðsl-
unnar samkvæmt nútímastöðlum
um matvælaöryggi.
Coca-Cola á Íslandi er meira en
80 ára gamalt fyrirtæki og fólk er
viðkvæmt fyrir breytingum þegar
svona gamalt og rótgróið vöru-
merki á hlut að máli.
Við skiljum það mjög vel en
vonumst til að neytendur meti
ástæðuna, í þágu umhverfisins,
og venjist þessari breytingu fljótt
og vel.
Við erum mjög stolt af þeim
árangri sem við höfum náð í
umhverfismálum og stefnum
ótrauð áfram á að fyrirtækið nái
kolefnishlutleysi fyrir árið 2040.“ n
Léttara plast og áfastir tappar
Tinna Gunnlaugsdóttir, vörumerkjastjóri hjá Coca-Cola á Íslandi, heldur hér um Fanta-flösku með nýja tappanum.
FRÉTTABLAÐIÐ/VALLI
Þetta er breyting
fyrir viðskiptavini
sem þurfa að venjast því
að tappinn sé fastur á
flöskunni. Við viljum
vera leiðandi í umhverf-
ismálum og þessi nýjung
er hluti þess.
Tinna Gunnlaugsdóttir
Tapparnir okkar eru núna
áfastir við flöskuna til að
tryggja að tappinn fylgi
með í endurvinnslu.
SKANNAÐU HÉR TIL AÐ SJÁ
HVERNIG ÞETTA VIRKAR
Saman
til góðs
26 kynningarblað 29. mars 2023 MIÐVIKUDAGURSjáLfbærni í rekStri