Fréttablaðið - 29.03.2023, Side 52

Gallinn við að gera
hryllingsmyndir er að
þær eru svo tæknilega
erfiðar.
Tölvuleikir
Pizza Tower
Leikjatölva: PC
Arnar Tómas Valgeirsson
Pizza Tower er nýútgefinn indí-
leikur sem hefur verið í töluverðan
tíma í ofninum. Leikurinn byggist á
hoppi og skoppi og dregur mikinn
innblástur frá klassíkerum á borð
við Sonic the Hedgehog og Wario-
land án þess þó að af baka eitt né
neitt.
Hér bregða leikmenn sér í hlut-
verk skapmikla pítsukokksins
Peppino sem þarf að bjarga veit-
ingastaðnum sínum frá tortímingu
af hálfu vonda kallsins. Það er ekki
mikið lagt upp úr sögunni enda
engin ástæða til.
Það er nefnilega spilunin sem
skiptir höfuðmáli og þar er ekk-
ert til sparað. Þótt hægt sé að taka
hlutunum temmilega rólega og
fara í gegnum leikinn á töltinu
þá er leikurinn skemmtilegastur
þegar maður fer sér að voða. Það
er unaðsleg tilfinning að komast í
gegnum borð leiksins á ofsahraða
og uppskera fyrir vikið hærri ein-
kunn.
Yfirborð leiksins, sem dregur
innblástur í snarbrenglaðan teikni-
myndaheim tíunda áratugarins,
gæti virkað ófágað, en í rauninni
hefur þvílík natni verið lögð í
handgerðar teikningarnar sem gera
heiminn kvikan og lifandi.
Þá er tónlistin einnig upp á tíu
og mótar sig að því sem er í gangi
í leiknum hverju sinni, sér í lagi
þegar allt fer í bál og brand.
Þótt margir tölvuleikir eigi það
til að missa sig í nostalgíunni þá
er Pizza Tower lifandi sönnun
þess að það sé hægt að taka
klassíska uppskrift og uppfæra
hana. Það kæmi ekki á óvart að
sjá leikinn valinn sem indí-leik
ársins síðar meir enda eitthvað
það besta tvívíða hopp og skopp
sem sést hefur á undanförnum
árum. n
NiðursTaða: Brakandi góður
leikur fyrir alla aðdáendur hopps
og skopps og tónlistin ein og sér
er strax orðin sígild.
Indí-leikur ársins kominn úr ofninum
Íslenska hryllingsmyndin
Óráð kemur í kvikmyndahús
næsta föstudag. Leikstjórinn
Arró Stefánsson segir mynd-
ina hafa kraumað innra með
sér í þónokkurn tíma.
arnartomas@frettabladid.is
Í kvöld fer fram hátíðarfrumsýning
í Smárabíói á hryllingsmyndinni
Óráði sem er jafnframt fyrsta mynd
leikstjórans Arrós Stefánssonar. Það
er full ástæða til að skjálfa á bein-
unum, enda ekki á hverjum degi
sem íslensk hryllingsmynd dúkkar
upp, en Arró segist hafa verið með
myndina lengi í maganum.
„Ég held þetta hafi ábyggilega
byrjað fyrir svona tuttugu árum
síðan,“ segir Arró um tilurð mynd-
arinnar. „Þetta var þegar Quentin
Tarantino og Eli Roth heimsóttu
Ísland. Þá sagði ég við Roth að ég
myndi senda honum fyrstu mynd-
ina mína.“
Lífið hélt áfram og Arró kom sér
út í kvikmyndabransann þar sem
hann hefur sinnt hinum ýmsu verk-
efnum í gegnum árin.
„Það var svo fyrir svona þremur
árum að ég ákvað að gera þessa
mynd, en gallinn við að gera
hryllingsmyndir er að þær eru
svo tæknilega erfiðar,“ segir hann.
„Myndatakan þarf að vera full-
komin, tónlistin þarf að vera full-
komin og svo framvegis. Ég var ekki
að ráðast á garðinn þar sem hann
var lægstur.“
Í fyrstu hugsaði Arró með sér
hvort hann ætti ekki að vinna að
einhverju örlítið meðfærilegra sem
sinni fyrstu mynd en hugsaði svo
aftur til loforðs síns til Roth sem
hafði verið að krauma innra með
honum í öll þessi ár.
Ertu búinn að heyra í Roth?
„Nei, ég þarf að klára myndina
fyrst, svo sendi ég honum!“
Uppgangur í hrollvekjum
Óráð fjallar um Inga, ungan fjöl-
skylduföður sem er að reyna koma
undir sig fótunum að nýju eftir að
hafa orðið valdur að hræðilegu
slysi. Þegar hann finnur leigjanda
látinn í Airbnb-íbúð sinni fer að
halla undan fæti hjá honum. Dul-
arfullir hlutir fara að gerast þegar
Ingi reynir að púsla saman fortíð
mannsins á sama tíma og hann
forðast að gera upp sína eigin.
„Þetta er strangheiðarleg hryll-
ingsmynd,“ svarar Arró, aðspurður
um hvernig hann myndi lýsa
myndinni.
Eru einhverjir leikstjórar sem
hafa verið þér sérstakur innblástur
í hryllingsgeiranum?
„Fyrir utan Roth? Þá myndi ég
segja Mike Flanagan sem hefur
verið að gera geggjaða hluti,“
svarar Arró. „Svo eru það bara
gömlu meistararnir eins og John
Carpenter, Ridley Scott og þessir
gömlu góðu.“
Hrollvekjur hafa verið í þónokkr-
um uppgangi á undanförnum árum
og tekur Arró undir að þær njóti
almennt meiri viðurkenningar í
dag en áður fyrr.
„Það er oft verið að taka áhættur í
hryllingsmyndum í dag og verið að
fara aðrar leiðir en fólk er vant. Það
er mjög spennandi.“
Vannýttur vettvangur
Áskoranir við gerð myndarinnar
voru ýmsar.
„Þetta var drulluerf itt enda
vorum við að skjóta í miðju Covid.
Þar opnaðist einhver smá gluggi
þar sem maður hafði tækifæri til að
gera mynd og allir ákváðu að gera
myndir á sama tíma,“ segir Arró og
bætir við að það hafi verið erfitt að
finna tökustaði. „Fólk var auðvitað
ekki spennt að fá ókunnuga inn til
sín í faraldrinum. En ég held samt
sem áður að við séum með algjört
dúndurefni.“
Óráð verður frumsýnd næsta
föstudag. n
Strangheiðarleg hryllingsmynd
Arró lofaði Eli
Roth að hann
myndi senda
honum sína
fyrstu mynd
þegar hún væri
tilbúin.
fréttabLaðið/
vaLLi
Hjörtur Jóhann Jónsson og Heiðdís Chadwick fara með aðalhlutverkin í Óráði. Mynd/aðsend
20 lífið FRÉTTABLAÐIÐ 29. mARS 2023
MiðViKUDAGUR