AVS. Arkitektúr verktækni skipulag - 01.08.1997, Síða 58

ÚRRÆÐI VEGNA BROTA
í meðförum umhverfisnefndar Alþingis var bætt inn
í frumvarpið ákvæði um að óheimilt sé að breyta
skipulagi svæðis þar sem framkvæmt hefur verið í
ósamræmi við skipulag fyrr en hin ólöglega bygg-
ing eða byggingarhluti hefur verið fjarlægð, jarð-
rask afmáð eða starfsemi hætt. Taldi nefndin
nauðsynlegt að slíkt ákvæði væri sett í lög þar sem
dæmin sýndu að skipulagi hafi oft verið breytt eftir
að mannvirki hafi verið reist. Taldi nefndin slík
vinnubrögð óviðunandi og fara gegn anda lag-
anna. Er þarna um að ræða ákvæði sem getur
haft mjög miklar fjárhagslegar afleiðingar í för með
sér og breytt þeim vinnubrögðum sem hafa verið
viðhöfð, að færa skipulag að framkvæmdum sem
unnar hafa verið í leyfisleysi. Rökin fyrir breyting-
um á deiliskipulagi til að „löggilda" byggingar sem
ekki samræmast skipulagi hafa verið þau, að um
mikla fjárhagslega hagsmuni sé að ræða fyrir hús-
byggjanda og ekki réttlætanlegt að fjarlægja fram-
kvæmdir vegna kostnaðarins. Með framangreindu
ákvæði er ætlunin að koma í veg fyrir slík vinnu-
brögð. Líklegt er að ekki þurfi oft að beita ákvæð-
inu, þar sem varnaðaráhrif þess hljóta að verða
veruleg ef húsbyggjendur verða varir við að því sé
beitt í reynd.
NÝJAR REGLUGERÐIR
Á vegum Skipulags ríkisins og umhverfisráðuneyt-
isins er nú unnið að nýrri skipulagsreglugerð og
nýrri byggingarreglugerð. Reiknað er með að drög
að nýjum reglugerðum verði tilbúin um miðjan
október 1997 og verða þá send út til umsagnar.
Nýjar reglugerðir munu taka gildi 1. janúar 1998
eins og lögin.
NIÐURLAG
Gera verður ráð fyrir að ný skipulags- og bygging-
arlög muni verða mjög til bóta fyrir framkvæmd
skipulags- og byggingarmála í landinu. Landið
verður við gildistöku þeirra allt skipulagsskylt og
sömu reglur munu þá gilda um sambærilegar
framkvæmdir og áætlanagerð, hvar sem er á land-
inu. Stjórn, ábyrgð og forræði á málaflokknum er í
auknum mæli lagt í hendur sveitarstjórnum. Er
vonandi að það verði til þess að efla áhuga og
metnað sveitarstjórnarmanna varðandi skipulags-
og byggingarmál.
Lögin í heild er hægt að nálgast á skrifstofu Skipu-
lags ríkisins eða á heimasíðu stofnunarinnar:
http://www.islag.is/. ■
Sérhæfðir í læstum þakklæðningum úr eir, zinki, áli og stáli.
Tökum einnig að okkur alla almenna tré- og blikksmíðavinnu.
56