AVS. Arkitektúr verktækni skipulag - 01.12.1999, Side 81

framleiðslu fyrirtækisins, er í raun ákveðinn línu-
dans.
Eins og myndirnar gefa til kynna er rýmið langt
og mjótt en til að gera þetta rými jafnaðgengilegt
fyrir starfsfólk og viðskiptavini, þannig að starfsfólk
geti unnið sjálfstætt og viðskiptavinir skoðað og
myndað sér skoðanir í friði, er eins og fram hefur
komið staðsteyptur veggur eftir rýminu miðju sem
nýtist sem nauðsynlegur skilveggur milli starfs-
fólks og viðskiptavina, ásamt því að endurspegla
starfsemi fyrirtækisins.
Þar sem BM Vallá byggir alla sína framleiðslu á
steinsteypu lá eiginlega beint við að draga hana
inn í hönnun innréttinganna. Af mörgum er steypa
álitin fremur kalt efni og ekki vel til þess fallin að
vera sýnileg innanhúss, en þar er ég ekki sam-
mála. Þetta veltur allt á því hvað er lagt með
henni, að steypan sé notuð í samhengi með öðr-
um efnum. í réttu samspili við önnur efni, liti og
lýsingu getur hún öðlast þann hlýleika sem nauð-
synlegur er, en heldur þó hráleika sínum og tengir
í þessu tilfelli innréttinguna við húsið sjálft (sbr.
forsteyptar einingar í samspili með rauðri eik í öll
skrifborð, svo og aðrar innréttingar hússins).
Innanhússarkitektúr snýst um það umhverfi sem
fólk kemur til með að vinna í, búa í eða nota á ein-
hvern hátt. Galdurinn er að fagurfræðin og nota-
gildið vinni saman. ■
Sýnishorn af öðrum verkum Ómars
I. Frumgerð af stól úr MDF og stáli. Hannaður 1991. 2. DC.3 Frumgerð af stól úr formspenntu birki og
áklæði. Hannaður 1992. Stólarnir hafa verið sýndir á hönnunrsýningum víða um heim og myndir af þeim
verið birtar í hönnunartímaritum hér heima og erlendis.
3. -4. Nýlegt skrifstofuhúsnæði. Hannað 1998.