AVS. Arkitektúr verktækni skipulag - 01.12.1999, Page 84

I—“alið er að árlega komi á milli 600 og 700
þúsund ferðamenn í Þjóðgarðinn á
Þingvöllum. Sem stendur er takmörkuð
aðstaða í þjóðgarðinum fyrir fræðslu- og
kynningarefni. í júnímánuði síðastliðn-
um tók ríkisstjórnin ákvörðun um að
efna til opinnar samkeppni um nýbyggingu
fræðslumiðstöðvar við Hakið á Þingvöllum. Ætlun-
in er að reisa veglega byggingu sem gegnir marg-
þættu upplýsinga- og þjónustuhlutverki. Húsinu
var valinn staður ofan við Hakið þaðan sem geng-
ið er ofan í Almannagjá og þaðan sem flestir
ferðamenn njóta útsýnis yfir þjóðgarðinn og um-
hverfi hans. í fræðslumiðstöðinni verður komið
fyrir sýningu á sögu og náttúrufari Þingvalla í
myndum og texta, auk aðstöðu til að miðla fróðleik
með nýjustu upplýsingatækni um einn helsta
menningararf þjóðarinnar.
Þetta er í fyrsta sinn sem hús af þessu tagi er
sér-hannað og reist hérlendis. Slík hús tíðkast
víða í nágrannaríkjum okkar í Evrópu og eru við-
tekin hefð við þjóðgarða í Bandaríkjunum. Hér-
lendis hafa gestastofur verið settar upp í bygging-
um sem þegar hafa verið fyrir hendi á ýmsum
stöðum og reistar fyrir mismunandi notkun. Fræð-
slumiðstöðin við Hakið mun verða rúmlega 200 fm
að stærð og er áætlaður kostnaður um 30 milljónir
króna.
Dómnefnd var skipuð Birni Bjarnasyni mennta-
málaráðherra, Skarphéðni B. Steinarssyni skrif-
stofustjóra forsætisráðuneytis, Sigurði Oddssyni
framkvæmdastjóra Þingvallanefndar, Pétri H.
Ármannssyni deildarstjóra byggingarlistadeildar
Listasafns Reykjavíkur og Ólafi Axelssyni arkitekt.
Ráðgjafi dómnefndar var Reynir Vilhjálmsson
landslagsarkitekt. Alls bárust rúmlega þrjátíu til-
lögur. Þetta er ein mesta þátttaka í opinni arki-
tektasamkeppni í umsjón Framkvæmdasýslu rík-
isins á síðustu árum. Tillögurnar voru almennt í
háum gæðaflokki og framsetning og frágangur
góður.
FRÆOSLIimOSTÖO VIO HAKIO Á ÞINGVÖLLUVi
82