AVS. Arkitektúr verktækni skipulag - 01.09.2003, Page 50

ólíkum efnum og með mismun-
andi byggingartækni. í fjalliendi
Boundou Koura er skólahúsunum
þremur, ásamt lítilli kennarastofu,
skipt niður og raðað eftir hlíðinni
þannig að þau snúa út að falleg-
um dalnum en í þorpinu Madina
Kouta er þeim raðað í hring um
ávaxtatré. Val byggingarefnanna
fór allt eftir aðstæðum, hvort sem
þakgrindin var gerð úr viði eða
bambus og þakið sjáift síðan lagt
stráum, leirflísum eða bárujárni.
Bambusinn var t.d. ekki hægt að
nota nema á réttum árstíma og á
þeim stað sem hann óx. Sami
hugsunarháttur ríkti gagnvart
skólanum fyrir kjúklingaræktunina,
nálægt bænum Kindia. Skólinn
samanstóð af þremur sjálfstæð-
um skólastofum fyrir 12 nemend-
ur, svefnálmu og kennaraíbúð
sem mynduðu hring í kringum
húsagarð. Ávaxtatré var gróður-
sett í honum miðjum, sérstaklega
valið vegna vaxtarhraða síns og
stórrar krónu sem gert var ráð fyr-
ir að setið væri undir í svölum
skugganum. í öllum þessum hús-
um var náttúrleg loftræsting höfð í
fyrirrúmi og reynt að nota bygg-
ingartækni sem væri tiltæk á
staðnum. Samtvinnun efna og
rýma endurspeglaði eiginleika og
áferðir hvers þáttar innan bygg-
inganna og bar vott um næmi
arkitektanna og viðhorf þeirra
gagnvart svo ólíkri menningu og
þeirra eigin. Mikko Heikkenen og
Markku Komonen sýndu djarfan
skilning á notkun rýmis og um-
hverfis, hvaða áhrif arkitektúrinn
hefði á landið og á þá sem not-
uðu hann. í svo viðkæmu um-
hverfi, þar sem skipti gríðarlegu
máli að halda jafnvægi náttúrunn-
ar, notuðu þeir efni sem voru til
staðar og birtust ekki sem óboðn-
ir gestir. Þau aðgreindu sig ekki
frá landslaginu heidur nutu menn
blæbrigða þeirra jafnt sem náttúr-
unnar sjálfrar þegar safnast var
saman í hring undir skugga
trjánna eða setið úti á veröndinni
og hlustað á þytinn í laufinu í hlýrri
kvöldgolunni. Upplifanir, sem
tengdust byggingunum eins og
hver annar efniviður. ■
Hefðbundnar vinnuaðferðir í Gíneu við gerð moldarklossanna./
Traditional work methods in Guinea making earth bricks.
48