Þingtíðindi Alþýðusambands Íslands ... - 20.05.1996, Blaðsíða 109

ASÍ telur nauðsynlegt að ríki og sveitarfélög setji skýr ákvæði sem banni
verktakaráðningu almennra launamanna inn í allar útboðslýsingar af sinni hálfu.
Jafnframt verður að meta „undirboðstilboð“ í einstök verk með tilliti til þess
hvort viðkomandi verktaki geri ráð fyrir því að þrýsta niður launum og starfs-
kjörum launafólks. Þegar „undirboðstilboðum“ er tekið, er eðlilegt að viðkom-
andi verkkaupi ábyrgist að staðið verði við starfskjör launafólks.
ASÍ telur að móta verði langtímastefnu um val á mismunandi framkvæmd-
um. í uppbyggingu samgöngumála ætti t.d. að leggja áherslu á:
Tengingu atvinnusvæða; sem stuðlar að auknu samstarfi og/eða samruna
sveitarfélaga og fyrirtækja.
• Almenna styttingu vegakerfisins; bæði í tíma og vegalengdum sem lækkar
flutningskostnað og treystir samkeppnisstöðu landsbyggðarinnar.
• Útrýmingu á slysagildrum (svörtum blettum) sem dregur úr umferðarslysum
og lækkar kostnað vegna heilbrigðisþjónustu og trygginga.
• Umhverfisvænar samgöngubætur sem draga úr notkun bensíns og olíu.
Kanna þarf hagkvæmni rafdrifinna almenningsvagna eða sporvagna á fjöl-
förnustu leiðunum.
H. Umhverflsstefna
ASÍ telur að í framtíðaruppbyggingu atvinnulífsins verði að taka mið af nauð-
synlegri verndun umhverfisins. Verulegur hluti af gjaldeyristekjum okkar bygg-
ir á sölu á vöru og þjónustu sem grundvallast á hreinni ímynd landsins. Stuðla
verður að neysluvenjum og framleiðslu sem taki tillit til hagsmuna komandi
kynslóða.
Tryggja verður stöðuga aðlögun framleiðslunnar þar sem gætt er jafnvægis
milli verndunar umhverfisins og hagkvæmrar nýtingar auðlindanna.
ASÍ telur að tryggja eigi trúnaðarmönnum og öryggisfulltrúum aðgang að
nauðsynlegum uppiýsingum um áhrif viðkomandi fyrirtækja á bæði vinnuum-
hverfið og umhverfið almennt. Þannig verður hægt að leysa ýmis umhverfis-
vandamál í beinum samskiptum á einstökum vinnustöðum.
Tryggja verður verkalýðshreyfingunni áhrif á þær kröfur sem stjórnvöld
gera til fyrirtækja í umhverfismálum, sérstaklega á þeim sviðum þar sem þær
hafa áhrif á skipulag og framkvæmd vinnunnar.
I. Skattastefna
Nauðsynlegt er að endurskoða grundvöll skattkerfisins hjá ríki og sveitarfélög-
um frá grunni með tilliti til markmiðanna um útrýmingu atvinnuleysisins. Skatt-
kerfið á að stuðla að betri og aukinni notkun vinnuaflsins, markvissari notkun
íjármagnsins til fjárfestinga í atvinnulífinu og betri nýtingu og verndun auðlind-
anna.
107