Þingtíðindi Alþýðusambands Íslands ... - 20.05.1996, Qupperneq 108

við láglaunalönd þar sem lágur launakostnaður er helsti samkeppnisþátturinn.
Auka má fjárfestingar m.a. með því að stuðla að lægra vaxtastigi og með
tímabundnum skattalegum aðgerðum. Raunvextir hér á landi á lánum til fyrir-
tækja og heimila eru óviðunandi háir og í engu samræmi við vexti í nágranna-
löndum. ASÍ telur að stjórnvöld eigi að hafa það sem forgangsatriði að lækka
raunvexti til að örva fjárfestingar.
Hægt er að auka fjárfestingar með sértækum aðgerðum á borð við mótun
markvissra fjárfestingaráætlana fyrir uppbyggingu og eflingu einstakra sviða at-
vinnulífsins. ASÍ bendir á að með mótun heildstæðrar fullvinnslustefnu í sjávar-
útvegi og öðrum greinum megi auka varanlegan hagvöxt og þannig auka kaup-
mátt og draga verulega úr atvinnuleysi.
ASÍ telur brýnt að lífeyrissjóðir auki fjárfestingar sínar í atvinnulífinu með
beinum hlutafjár- og skuldabréfakaupum. Mikilvægt er að verkalýðshreyfingin
móti skýra stefnu um beina þátttöku lífeyrissjóðanna í atvinnulífinu þar sem
markmiðum hreyfingarinnar í atvinnumálum verði komið í framkvæmd.
Nauðsynlegt er að endurskoða lögin um fjárfestingar erlendra aðila í at-
vinnulífinu með það að markmiði að laða að slíkar fjárfestingar. ASI telur sér-
staklega mikilvægt að felldar verði niður allar takmarkanir á fjárfestingu er-
lendra aðila í sjávarútvegi og fiskveiði- og atvinnuhagsmunir íslensku þjóðar-
innar tryggðir með því að setja þeim sem fá heimild til að nýta auðlindina
þrengri skilyrði um ráðstöfun afla.
ASI mun beita sér fyrir því að hlutverk ríkisins á fjármálamarkaði verði tek-
ið til endurskoðunar með það að markmiði að þátttaka þess í áhættufjárfesting-
um verði aukin til þess að laða fram fleiri arðbær fjárfestingaverkefni. í þessu
sambandi þarf að endurskoða starfsemi fjárfestingalánasjóðanna og nýta þá til
þess að stofna öflugan nýsköpunarsjóð fyrir allt atvinnulífið.
G. Opinberar fjárfestingar
Nauðsynlegt er að opinberir aðilar móti skýra stefnu í opinberum framkvæmd-
um og viðhaldi mannvirkja út frá því meginsjónarmiði að beita slíkum fjárfest-
ingum til sveiflujöfnunar, hvort sem er með hliðsjón af þróun hagkerfisins í
heild eða einstakra svæða. Þegar að kreppir í efnahagsmálum er brýnt að stjórn-
völd auki fjárfestingar sínar en dragi aftur úr þeim þegar betur árar. Með þeim
hætti er hægt að sporna gegn skaðlegum áhrifum af skammtímasveillum í hag-
kerfinu.
ASÍ telur brýnt að stjórnvöld og sveitarfélög beiti fjárfestingum sínum með
þeim hætti að meginmarkmið í atvinnumálum nái fram að ganga. Taka verður
tillit til þarfa innlendra framleiðenda við uppsetningu verkáætlana þannig að
þeim sé gefinn kostur á því að bjóða í einstaka verkþætti.
Endurskoða verður útboðsstefnu ríkisins frá grunni með það að markmiði að
koma á þróunarsamstarfi opinberra stofnana og fyrirtækja þannig að útboð
hvetji til jákvæðrar framleiðniþróunar í atvinnulífinu.
106