Þingtíðindi Alþýðusambands Íslands ... - 20.05.1996, Blaðsíða 154

Innan Efnahags- og framfarastofnunarinnar (OECD) starfar Ráðgjafarstofn-
un verkalýðssamtaka (TUAC). ASÍ hefur ekki tekið virkan þátt í starfi TUAC
en þó fylgst með starfinu. Á undanförnum árum hefur áhersla íslenskra stjórn-
valda á ráðgjöf frá OECD aukist og hefur ASÍ því þurft að beita sér innan TUAC
til þess að hafa áhrif á gang mála. ASÍ telur því nauðsynlegt að fylgjast grannt
með starfi innan OECD og TUAC á næstu árum.
ASÍ hefur í mörg ár tekið virkan þátt í starfi íslenskra stjómvalda við Al-
þjóðavinnumálastofnunina (ILO). Á undanförnum árum hefur ASÍ nokkrum
sinnum séð sig tilneytt til þess að kæra íslensk stjórnvöld til ILO vegna brota á
samþykktum samtakanna um vinnuréttarmál. ASÍ telur mjög mikilvægt að
áframhald verði á starfi samtakanna innan ILO og að þau haldi uppi áróðri
fyrir því gagnvart íslenskum stjórnvöldum að fleiri samþykktir samtakanna
verði staðfestar hér á landi og að þær verði meira í heiðri hafðar.
ASÍ tekur þátt í ýmsu öðm milliríkjasamstarfi. Þar má nefna Vestur-Atlants-
hafssamstarfið með verkalýðssamtökunum í Færeyjum og á Grænlandi. ASÍ er
einnig aðili að Alþjóðasambandi frjálsra verkalýðsfélaga (ICFTU) og hefur
hagsmuna að gæta gagnvart Evrópuráðinu og Alþjóða viðskiptastofnuninni. Öll
þessi tengsl em mikilvæg til þess að sjónarmið launafólks komi fram og rödd ís-
lenskrar verkalýðshreyfingar geti heyrst þegar þess gerist þörf.
ASÍ telur mjög mikilvægt að erlend samskipti sambandsins og aðildarsam-
taka þess nýtist sem best í baráttunni við að tryggja og bæta kjör og réttindi ís-
lensks launafólks. Við þurfum að fylgjast með því sem vel er gert í nágranna-
löndunum til að læra af því og nota í baráttu okkar. Góð tengsl við erlend verka-
lýðssamtök em einnig nauðsynleg þegar vegið er að skipulagi og uppbyggingu
á íslenskum vinnumarkaði af þeim alþjóðastofnunum sem við eigum aðild að.
ASÍ leggur áherslu á að erlend samskipti sambandsins, landssambandanna
og einstakra aðildarfélaga verði samhæfð eins vel og hægt er og að upplýsinga-
streymi og samskipti innan hreyfingarinnar á þessu sviði verði aukin.
Helstu skammstafanir:
Stofnanir:
ESB Evrópusambandið
GATT Alheimssamningur um tolla og viðskipti
ILO Alþjóðavinnumálastofnunin
NATO Atlantshafsbandalagið
OECD Efnahags- og framfarastofnunin
RÖSE Ráðstefnan um öryggi og samvinnu í Evrópu
SÞS ameinuðu þjóðirnar
Samtök:
ETUC Evrópusamband Verkalýðsfélaga (EFS á Norðurlandamálum)
152