Þingtíðindi Alþýðusambands Íslands ... - 20.05.1996, Blaðsíða 114

Hér sést hluti þingfulltrúa á 38. þingi ASI á Austurvelli þegar ályktunin gegn
vinnulöggjafarfrumvarpinu var afhent.
ingu vinnunnar mun gera stöðugt ríkari kröfur til fyrirtækja og starfsmanna
þeirra um þekkingu og hæfni til að bregðast við breytingum og tileinka sér nýj-
ungar. Þau samfélög sem leggja áherslu á uppbyggingu og þróun þekkingar
munu helst geta boðið þegnum sínum áhugaverð störf, góð kjör og félagslega
velferð.
Menntun alla ævina - símenntun - er lykillinn að framtíðarsýn verkalýðs-
hreyfingarinnar í menntamálum. Með grunn- og framhaldsskóla verður að
tryggja öllum ungmennum traustan almennan þekkingargrunn og hæfni til að
takast á við störf í atvinnulífinu og frekari öflun þekkingar. Leggja ber mikla
áherslu á að gera fullorðnu fólki auðvelt að afla sér grunnmenntunar hafi það
verið skamman tíma í skóla og haft lítil not af skólagöngu sinni á barns- og ung-
lingsárum sínum. Með öflugri og sívirkri endur- og eftirmenntun verður að
tryggja þeim sem komnir eru út á vinnumarkaðinn framboð og möguleika til að
bæta stöðugt við þekkingu sína og færni með skipulegum hætti. Þannig verður
að gera launafólki mögulegt að takast á við breytingar og fylgja framþróun á
sínu sviði eða mennta sig til nýrra starfa.
Alþýðusamband Islands leggur ríka áherslu á að nú þegar verði hafin mark-
viss vinna er leiði til bættrar þekkingar og hæfni á öllum sviðum hér á landi
sambærilegrar við það sem best gerist á meðal annarra þjóða. Með því móti má
þróa samfélag sem tryggir launafólki fulla atvinnu. góð kjör og eftirsóknarverð
lífsskilyrði án tillits til þess hvaða störfum það gegnir.
112