Þingtíðindi Alþýðusambands Íslands ... - 20.05.1996, Blaðsíða 141

Alþýðusamband Islands skal vinna að því að tekið verði tillit til stöðu fjöl-
skyldunnar í samfélaginu. Tryggja verður sjálfstæðan rétt beggja foreldra til
fæðingarorlofs. Þá er einnig brýnt að réttur til fæðingarorlofs verði aukinn og
orlofstímabili lengt.
Vinna þarf að því að nýgerður samningur Evrópusamtaka launafólks og at-
vinnurekenda um „foreldraorlof ‘ taki gildi hérlendis, þannig að foreldrar í fullu
starfi fái betri möguleika til að sinna börnum sínum á fyrstu árunum. Þá þarf að
tryggja möguleika á leikskóla fyrir börn undir tveggja ára aldri. Jafnframt þarf
að hvetja sérstaklega til þess að feður nýti sinn rétt til fæðingar- og foreldraor-
lofs ekki síður en mæður.
Alþýðusambandið telur að starfsmat geti verið ein leið til launajafnréttis og
mun vinna að því að starfsmat verði framkvæmt í auknum mæli innan fyrirtækja
á almenna vinnumarkaðinum. Nauðsynlegt er að kanna möguleika á því að nota
kynhlutlaust starfsmat til þess að jafna launalega stöðu kynjanna. Sérstaklega
þarf að hafa í huga að auka virðingu umönnunarstarfa og gera þeim hærra und-
ir höfði með tilliti til launa.
A vettvangi Alþýðusambands Islands mun í samvinnu við landssambönd og
einstök félög verða unnið að samræmdum áherslum í fjölskyldu- og jafnréttis-
málum. A næstu tveimur árum verði unnin upp jafnréttisáætlun sem m.a. verði
notuð við undirbúning kröfugerðar fyrir kjarasamninga. Jafnframt verði unnið
að því að gerður verði jafnréttissamningur við atvinnurekendur sem hafi það
m.a. að markmiði að jafna stöðu karla og kvenna á vinnumarkaði, ekki síst með
tilliti til hagsmuna fjölskyldnanna.
Alþýðusambandið mun eiga nána samvinnu við systursamtök sín á Norður-
löndum um starf að jafnréttismálum, bæði á norrænum vettvangi svo og
evrópskum. Jafnframt verði öflugt samstarf við önnur samtök launafólks á Is-
landi í jafnréttismálum.
Karlaráðstefna
38. þing ASÍ telur tímabært að MFA efni til sérstakrar ráðstefnu fyrir karla um
jafnréttis- og fjölskyldumál.
Greinargerð:
Karlar þurfa að taka þátt í að móta fjölskyldustefnu. Þeir þurfa m.a. að spyrja
sig hvaða hlutverki þeir vilji og eigi að gegna sem fjölskyldufeður. Þeir verða
að svara því hvort fjölskyldan eigi einungis að vera athvarf þeirra sem framfær-
anda yfir blánóttina eða viðverustaður, heimili, þar sem karlar, konur og börn
þreyja lífið í sameiningu.
139