Þingtíðindi Alþýðusambands Íslands ... - 20.05.1996, Blaðsíða 41

• Mikilvægt væri, þegar málefnavinnan vegna þingsins væri undirbúin, að
tryggja svo sem kostur væri hvoru tveggja:
• Að um yrði að ræða markvissa vinnu sem líklegt væri að skilaði áhuga-
verðum niðurstöðum, sem orðið gætu aflvaki frjórrar umræðu á þinginu
og þannig eflt og bætt málefnastöðu hreyfingarinnar.
• Að skipulagið á undirbúningnum yrði ekki hemill á nýrri hugsun og
nálgun bæði varðandi málefni sem um væri fjallað og áherslur: Að um-
ræðan yrði ekki hólfuð niður í einhverja kassa sem virki takmarkandi.
Þá kom fram að beinast lægi við að nýta þær fastanefndir sem þegar starfa á
vettvangi ASÍ, hvað varðar einstaka undirflokka, einkum atvinnumálin og
launamanninn, fjölskylduna og vinnumarkaðinn. Fyrir hverjum yfirflokki færi
hópur sem bæri ábyrgð á samræmingu og samhæfingu á viðkomandi sviði. Slfk-
ur hópur yrði skipaður fulltrúum landssambandanna (auk þess sem lagt var til
að Sókn ætti fulltrúa a.m.k. í málaflokkunum; Launamaðurinn, fjölskyldan og
vinnumarkaðurinn og skipulag verkalýðshreyfingarinnar).
Síðast en ekki síst var í tillögunum lögð áhersla á að fyrir hendi væri vett-
vangur þar sem heildarsamræming og samhæfing málefnaundirbúningsins í
heild færi fram. Ritstýra þyrfti heildarútkomunni og sjá til þess að ekkert sem
máli skiptir félli niður á milli í málefnaundirbúningnum. Gert var ráð fyrir að
forsetar ASÍ sæju um þetta í umboði og samráði við miðstjórn.
Hvað varðar útkomuna úr þessari undirbúningsvinnu og framsetningu henn-
ar var lagt til að í stað hefðbundinna ályktana yrði stefnt að því að gefa niður-
stöðurnar úr hverjum málaflokki fyrir sig út með aðgengilegum og áhugaverð-
um hætti eftir þingið.
Þá var lagt til að hver málaflokkur yrði afgreiddur þannig að kjaminn væri
stutt og gagnort yfirlit með helstu áhersluatriðum sem fylgt væri eftir með grein-
argóðri umfjöllun og rökstuðningi. Þetta efni mætti síðan nota í umræðu og
kynningu meðal aðildarfélaga ASI og víðar í framhaldi af þinginu.
12. júní 1995 var landssamböndum innan ASÍ og Sókn sent erindi þar sem
samþykkt miðstjórnar um málefnaundirbúninginn er kynnt og óskað eftir til-
nefningu fulltrúa í ábyrgðarhópanna.
Tilnefningar voru að berast fram á haust og var fyrsti fundurinn með
ábyrgðahópunum haldinn í fyrri hluta nóvember. Næstu mánuði fór fram þrótt-
mikið málefnastarf í ábyrgðahópunum og fastanefndum Alþýðusambandsins.
Reikna má með að á milli 80 og 90 forystumenn og félagar í Alþýðusamband-
inu hafi verið virkir í þessu starfi í ábyrgðarhópunum og fastanefndum ASÍ, auk
allra þeirra sem fjölluðu um efnið úti í aðildarfélögunum fram að þinginu.
Fyrstu fastanefndirnar skiluðu af sér til ábyrgðahópanna í byrjun febrúar og
á fundi miðstjórnar 28. febrúar var fjallað um fyrstu tillögur frá ábyrgðarhópun-
um. Á næstu fundum miðstjórnar fór fram mikil umræða þar sem fjallað var um
tillögur ábyrgðarhópanna og þær afgreiddar til umræðu í aðildarfélögunum og
meðal væntanlegra þingfulltrúa. Síðast voru afgreiddar til umfjöllunar meðal
39