Ský - 01.08.2004, Síða 20

Fyi*st o« fi*ems»t
VETRARFRI
Þegar vetrarveðrið tekur völdin á íslandi láta margir hugann reika á hlýrri staði.
Sumir láta draumana rætast og halda út í heim þegar svartasta skammdegið
ríkir hér og margir eru þeir sem eiga eftirlætis dvalarstað sem þeir heimsækja
að vetri til. Margir fara á skíði, aðrir sleikja sólina á Kanarí og enn aðrir kjósa
heimsborgirnar. SKÝ leitaði til nokkurra einstaklinga og bað þau að svara
spurningunni: Áttu þér eftirlætis vetrardvalarstað?
LITIR OG ÚTLIT NEÐANSJÁVARLÍFSINS ...
Jón Karl Einarsson er skipuleggjandi tónlistarferða hjá ferðaskrifstofunni Úrval-
Útsýn. Okkur datt svona í hug hvort maðurinn sem er sífellt með hugann í útlönd-
um fyrir aðra skuli láta sig hverfa af skrifstofunni á veturna og halda sjálfur á þær
slóðir sem hann hefur kynnt sér fyrir aðra?
„Án þess að hafa ferðast víða á veturna, þá er þó einn staður sem ég hef oftar en
einu sinni heimsótt að vertrarlagi. Þetta er bærinn Puerto Vallarta á Kyrrahafsstönd
Mexíkó. Heimamenn eru einstaklega Ijúft fólk, brosmildir, hjálplegir og fallegt fólk
upp til hópa. Þeir eru að sjálfsögðu lágvaxnir og svarthærðir með dimmbrún augu
sem frá stafar mikil hlýja, svo mikil að jafnvel kaldlyndir norðurhjaramenn bráðna
auðveldlega við fyrstu kynni. Maturinn allur er ferskur og góður en vínin enn
svolítið misjöfn. Landið er fallegt og mun gróðursælla en ætla mætti svo sunnar-
lega - vart hægt að hugsa sér fjölbreyttari og litfegurri gróður en þar er að finna,
stóran og smáan. Sjórinn dásamlega tær og volgur og finnist manni litadýrðin uppi
á landi kitla sjóntaugarnar þá eru litir og útlit neðansjávarlífsins engu minna."
SÖFN OG BÓKAVERSLANIR
Guðrún Sigfúsdóttir gegnir ábyrgðarmiklu starfi hjá JPV útgáfu. Á þeim tíma
sem aðrir voru líklega að sleikja sólina í hitabylgjunni í sumar hefur hún verið á
kafi í undirbúningi þeirra bóka sem koma út nú fyrir jólin hjá JPV, en meðal
þeirra má nefna bók eftir Matthías Viðar Sæmundsson um þjóðkunna
fjölskyldu, sem setti mikinn svip á samtíð sína, og bók Sigmundar Ernis
Rúnarssonar, „Barn að eilífu", þar sem hann segir sögu fjölfatlaðrar dóttur
sinnar. Það er því forvitnilegt að vita hvort bókaútgefandinn nýti ekki „rólegu
mánuði ársins" til að heimsækja útlönd - og hvert fer hún þá?
„Uppáhaldsborgin mín er London en þangað sæki ég hvíld og uppörvun eftir
annasama daga í vinnu minni í JPV útgáfu. Bókaútgáfa er gefandi starf því að þar
kynnist maður skapandi fólki sem hefur brennandi áhuga á mönnum og
málefnum.
Við hjónin fórum til London í brúðkaupsferð og höfum farið þangað reglulega
undanfarin ár, oftast í byrjun árs. I London eigum við góða vini og þar er hægt
að gleyma sér á söfnum, fara í leikhús og kvikmyndahús að ógleymdum
bókaverslunum. Við förum oft í sömu bókaverslanir en sjaldnar á sömu veitinga-
staði, þeirvirðast líka óteljandi í heimsborginni London."
J