Ský - 01.08.2004, Síða 44

ALLIR AO LEITA AÐ SJALFUM SER
,,Ég er sköllóttur með stór eyru.” Svona hljómar lýsing viðmælanda míns,
Guðna Gunnarssonar, á sjálfum sér þegar við ákveðum símleiðis að hittast á
kaffihúsi í miðbænum. Nokkur símtöl við þennan mann gefa mér nokkuð
góða mynd af honum - held ég. Hef vissulega aldrei hitt hann en ákveð að
prófa hvort innsæið sé farið að segja mér rétt til: ,,Ertu fæddur æðrulaus eða
er þetta áunnið æðruleysi?”
SKÝ
44
Þeir sem þekkja Guðna Gunnarsson bera greinilega takmarkalausa
virðingu fyrir honum. Þeir sem þekkja hann ekki gera það líka. Ég
ákvað að „læra heima" áður en ég færi til fundar við hann.
„Gúgglaðu hann" voru ráðleggingarnar sem ég fékk. „google.com"
er nefnilega með öll svörin. Ég sló inn nafnið hans - og við blöstu ótal
síður. „Heilinn á bak við rope yoga" stóð í mörgum þeirra, skrifuðum
af fólki víða í Bandaríkjunum og á Bretlandi. Hann er maðurinn sem
skærustu stjörnur kvikmyndanna leita til þegar mikið liggur við; hann
er maðurinn sem hefur hjálpað ótal (slendingum og fólki af öðru
þjóðerni að finna innri ró. Hann virðist umlukinn bjarma og býr greini-
lega sjálfur yfir sterkri hugarró. Hann svarar fyrstu spurningunni á
þennan hátt:
„Þetta er áunnið æðruleysi. Þótt menn séu fæddir með misjafna
sálartíðni, þá er enginn fæddur æðrulaus. Þú verður að vakna til
vitundar, hver sem þú ert og hvaðan sem þú kemur."
MEISTARINN MÓÐIR MÍN
Og hvenær og hvers vegna vaknaðir þú til vitundar um samspil sálar
og líkama?
„Ég var svo lánsamur að eiga móður sem kenndi mér geysimikið um
kærleik og þegar fólk spyr mig hvaða meistari hefur haft mest áhrif á
mig svara ég alveg hiklaust: „Móðir mín". Á mínu lífsbrölti hef ég ekki
hitt kærleiksríkari manneskju en móður mína. Hún byrjaði í neyslu
þegar ég var þrettán ára og á sjö árum horfði ég á hana deyja. Hún
varð tæplega fertug. Hún hafði aldrei neytt áfengis fyrr en ég var 13
ára, en frá fyrsta sopa varð hún heltekin. Það sem hún hafði kennt mér
fram að þeim degi sat alltaf í mér. Á mínu unglingsbrölti, þar sem ég
horfði á þessa níðurníðslu og þetta brot sem varð hjá báðum
foreldrum mínum, týndist ég á flótta metnaðar. Sem betur fer fékk
pabbi minn hjálp við sinni áfengissýki og hefur verið algáður í þrjátíu
ár. Mamma mín ól mig upp í kærleika, en pabbi minn kenndi mér
málshætti. Þótt ég hafi kannski ekki alltaf skilið þá þegar ég var yngri
hafa þeir reynst mér gullnáma á lífsleiðinni."
Hvað meinarðu með „flótti metnaðar"?
„Það er tvöfaldur metnaður í okkur, við hlaupum frá metnaðinum og
til hans. Við erum eins og gulrótin og asninn. Lífsreynsla min á
unglingsárunum varð mér hvatning til að búa mértil betra líf. En það
var bara hvatning, engin undirstaða. Ég smakkaði áfengi eins og hver
annar unglingur, en hætti að neyta þess þegar ég varð 18 ára. Ég
varð einfaldlega þunglyndur þegar ég smakkaði vín. Þá ákvað ég að
hætta að drekka þar til ég yrði nægilega þroskaður til að geta
drukkið... Fólk áttar sig ekki á því að efnahvörfin í fólki eru andlegs
eðlis. Líkaminn er hugurinn. Þeir sem búa við ótta gagnvart áfengi,
eins og ég gerði, verða fyrir öðrum áhrifum en þeir sem búa við frið.
Mér fannst ég svo hafa þroskast nægilega til að byrja að smakka vín
aftur 25 ára. Ég neytti sjaldan áfengis í óhófi, það var meira brölt mitt
í efnahagslífinu sem varð mér og mínu umhverfi að sársauka. Ég
laðaði að mér fjármagn og tækifæri, en gekk svo aldrei þannig frá
mínum málum að þau væru tryggð. Ég lánaði fólki peninga, flutti inn
fatnað og var alltaf að laða að mér tækifæri til að verða fyrir
stórskaða. Ég tek fulla ábyrgð á þessu ..."
LÍKAMINN: FARARTÆKI
FYRIR SJÁLFSSKOÐUN
Guðni Gunnarsson er fyrsti einkaþjálfari [slands. Ég spyr hann hvers
vegna hann hafi byrjað í þessu starfi, starfi sem nú hefur gert hann
þekktan víða í Bandaríkjunum og Bretlandi:
„Sjálfsímynd er sterkasta aflið og ég gerði mér snemma grein fyrir
því. Fimmtán ára fór ég að stunda líkamsrækt, en í henni hafði ég
meiri áhuga á öndun en beitingu. Þá fór ég að stunda líkamsrækt og
hugrækt fyrir sjálfan mig. í kringum 25 ára aldurinn keypti ég
Heimaval, sem varfyrsta póstverslunin á fslandi. Þaðfyrirtæki flutti inn
alls konar áhöld og ég og fyrrum eigandi þess ákváðum að setja upp
sýningarsal fyrir tækin. Þegar sá salur var tilbúinn ákvað ég að ganga
lengra og setja upp gufubað og aðstöðu þannig að tækin nýttust en
væru ekki bara til sýnis. Stöðina nefndum við Vaxtarræktina. Á
þessum tíma var ég giftur Katrínu Hafsteinsdóttur og við þjálfuðum
meðal annars stúlkurnar í fegurðarsamkeppninni og hjá Módel-
samtökunum. Það varð úr að ég hélt til Massachussetts í
Bandaríkjunum að kynna mér kripalu-jóga, en það er útbreiddur mis-
skilningur að jóga sé bara líkamlegs eðlis. Jóga hefur ekkert með það
að gera að standa á höfði þótt líkaminn sé notaður sem farartæki fyrir
sjálfsskoðun. Á sama tíma og við vorum með Vaxtarræktina rákum við
heildverslun og fluttum inn fatnað fyrir verslanir og fórum mjög illa a
þvi. Við lánuðum fyrirtækjum mikla peninga en tryggðum ekki víxlana,
svo að þegar fór að ganga illa hjá þeim lenti það á okkur. Við urðum
þá að selja eignirnar og fyrirtækin okkar fóru á hausinn. Upp frá því fór
ég að átta mig á að ég væri sennilega ekki á alveg réttri braut í lífinu,
ég þyrfti að skoða betur hvað ég væri að gera því ég væri að koma
sjálfum mér og öðrum í vandræði. Ég flutti alla aðstöðuna til Bjössa I
World Class og þar héldum við áfram. Einhverra hluta vegna hef ég
notið þeirrar blessunar að vita alltaf að það hefur ekkert hent mig í
lífinu sem ég á ekki upptökin að sjálfur..."
Hann þagnar smástund, fær sér tesopa og heldur áfram frásögn sinni.