Ský - 01.09.2005, Qupperneq 38

Útivist
Þingmenn á
hlaupum
Textí: Sigurður Bogi Sævarsson Myndir: Geir Ólafsson
Súrefni í lungun og blóðið á hreyfingu. Hver kannast ekki við hve góða tilfinningu þetta gefur - sem er
þess utan alveg meinholl. Á sama tíma og kyrrseta fyrir framan tölvuskjáinn verður æ stærri hluti af lífi
nútímafólks eykst þörfin fyrir að hreyfa sig reglulega. Þá gildir einu hvort farið er í sund, ræktina eða út að
hlaupa eins og margir gera reglulega. Þingmenn þjóðarinnar eru þar engin undantekning. Ský ræddi við
hlaupagikki á löggjafarsamkomunni.
Þórunn Sveinbjarnardóttir
Þá missi ég allan damp ...
„Mér finnst nauðsynlegt að stunda reglulega hreyfingu. Ef ekki
þá missi ég allan damp og hef minni orku til starfa. Samhengið í
þessu er ósköp einfalt. Ég hef líka margoft fundið að taki maður
kannski klukkustund í að fara út að ganga skilar sá tími sér
margfalt til baka. Með reglubundinni hreyfingu er hreinlega
hægt að bæta fleiri klukkustundum inn í sólarhringinn,"
segir Þórunn Sveinbjarnardóttir, alþingismaður Samfylkingar.
Hún kveðst reyndar illu heilli ekki hafa stundað hlaup nú um
nokkurn tíma en sé þeim mun duglegri að fara út í gönguferðir
með dóttur sinni, Hrafnhildi Ming.
Gengið í Garðabæ
„Við búum hér á Hraunsholti í Garðabæ þar sem eru margar
skemmtilegar gönguleiðir í nágrenninu, hvort sem leiðin liggur
hér með ströndinni eða inn í bæinn. Við mæðgur förum þessar
slóðir oft og þá situr hún gjarnan í þríhjólakerrunni sinni. En við
einskorðum gönguferðirnar svo sem ekki baraviðGarðabæinn,
förum líka oft inn í Reykjavík og göngum stíginn sem liggur við
ströndina í Skerjafirðinum."
Stafagangan er skemmtileg
Þórunn er nýlega farin að stunda stafagöngu, eftir að hafa sótt
námskeið í slíku arki á dögunum. „Ég prófaði stafagönguna í
vetur og fannst hún mjög skemmtileg. Þess vegna vildi ég læra
aðeins betur hvernig maður ætti að bera sig að við þetta og
varð ekki fyrir vonbrigðum. Að ganga með stafina tvo reynir
meiraáefri hluta líkamans en alla jafna þegar maður er ágöngu.
Jafnframt mýkir ganga með stöfum allt álag og hlífir hnjánum,
sem verða verst úti þegar maður hleypur."
„Með reglubundinni hreyfingu er hreinlega hægt að bæta fleiri
klukkustundum inn í sólarhringinn."
ský 38