Árbók Hannesar á horninu - 31.12.1941, Page 44

42
en útvarpsstjóri gat ekki komið honum út
og tók því það ráð að loka fyrir útvarpiö.
Sættir tókust. Aðalþulurinn fékk skipunar-
bréf fyrir embættinu, en því hafði honum
verið lofað áður.
Eitrað spritt reyndist vera á mörgum bæj-
um í Skaftafellssýslu og víðar, en undanfar-
ið höfðu nokkrir menn dáið af því að drekka
það á nokkrum stöðum á landinu.
Vaxandi orörómur um ósamkomulag innan
ríkisstjórnarinnar. 22. þ. m. baðst Hermann
Jónasson lausnar fyrir ráðuneyti sitt. Hafði
Framsóknarflokkurinn lagt fram frumvarp
um lausn dýrtíðarmálanna og meðal annars
krafist þess að grunnkaup yrði lögfest og
hækkun kaups samkvæmt dýrtíðarvísitölu
bannað. Alþýðuflokkurinn neitaði að fylgja
þessu. Sjálfstæðisflokksráðherrarnir höfðu
fyrst lýst sig fylgjandi því, en síðar, snerist
þeim hugur og tóku afstöðu á móti frum-
varpinu. Ríkisstjóri neitaði að taka lausnar-
beiðnina til greina fyr en séð yrðu úrslit máls-
ins á alþingi. Ráðherrarnir héldu störfum
áfram fyrst um sinn.