Heilbrigt líf - 01.12.1956, Side 41

ítalíusöfnunin í desember 1951.
Á fundi 26. nóv. 1951 var ákveðið að hefja söfnun til bágstaddra
á flóðasvæði Norður-Ítalíu, að nokkru vegna tilmæla frá Alþjóða
Kauða krossinum. 6. desember var eftirfarandi ávarp birt í útvarpi
og blöðum:
Undanfarið hafa borizt fregnir af náttúruhamförum suður á
Ítalíu, og eru þær svo kunnar, að óþarft er að hafa um þær mörg
orð. Hundruð þúsunda manna hafa misst allt sitt og að auki alla
framfærslumöguleika um sinn, og hljóta þeir að horfa með ugg
og kvíða til komandi jóla og vaxandi vetrarríkis.
Alþjóða Rauði krossinn hefur hafizt handa um hjálp handa hinu
nauðstadda fólki og snúið sér til Rauða kross félaga um heim
allan. Hafa Rauða kross félög margra landa þegar lagt nokkuð af
mörkum til þess að lina sárustu neyðina, en mikið vantar á að dugi.
Rauði kross íslands hefði kosið að geta rétt þessu nauðstadda
fólki hjálparhönd, og er í því skyni hafin söfnun á fé, fatnaði og
matvælum. Að vísu er ekki þess að vænta, að vér, fáir og smáir,
getum lagt það af mörkum, sem úrslitum valdi fyrir þetta fólk, en
kornið fyllir mælinn.
Á hinum síðari árum hefur nokki'um sinnum verið safnað fé til
hjálpar bágstöddu fólki, og hafa íslendingar jafnan brugðizt vel
við og gefið af meiri höfðingsskap en flestir aðrir.
Viljum vér hér með fara þess á leit, að þér veitið oss liðsinni í
þessu máli. Einhvem næstu daga mun fulltrúi frá Rauða krossi
fslands koma til yðar, og vonum vér, að þér sjáið yður fært að
gera för hans góða.
Stjórn R. K. í. og deildir hans höfðu forgöngu um söfnunina.
Samvinna milli framkvæmdaráðs R. K. f. og stjómar Reykjavíkur-
deildar var mjög náin.
Þrátt fyrir það, að söfnun þessi hlyti að fara fram á óheppi-
legum tíma, varð árangur vonum framar, og áttu framlög frá
ríkisstjórn, bæjarstjórn Reykjavíkur og Sölusambandi íslenzkra
fiskframleiðenda verulegan þátt í því.
Fimm manna nefnd var falið að ráðstafa fé því, sem safnaðist.
f nefnd þessari sátu Þorsteinn Scheving Thorsteinsson, Guido
Bemhöft, Óli J. Ólason, Sæmundur Stefánsson og Kristinn Stef-
ánsson, og fer greinargerð nefndarinnar hér á eftir:
Peningar, sem söfnuðust í Reykjavík:
Framlag úr ríkissjóði ................. kr. 50.000.00
Framlag úr bæjarsjóði.................. — 20.000.00
Sölusamband ísl. fiskframleiðenda .... — 25.000.00
Sölumiðstöð Hraðfrystihúsanna & Mið-
stöðin h.f.........................— 7.000.00
Heilbrigt lij
79