Heilbrigt líf - 01.12.1956, Page 50

Þetta er níunda starfsár Ungliðadeildarinnar „Árvekni", og er
nú óráðið um framtíð hennar, starfslið, störf og einkum stjórn
(umsjónarkennara).
Barnaheimilið að Laugarási.
Sumardvöl barna hófst í heimilinu sumarið 1952.
Um veturinn og vorið var unnið áfram að því að fullgera raf-
leiðslur og koma fyrir raftækjum, veggir þiljaðir í eldhúsi og
geymslum og gengið frá húsbúnaði þar. Þvottahús fullbúið tækjum
og lokið við búnað í baðherbergjum, anddyrum og fatageymslum.
Lagfært umhverfis húsin, gerður leikvöllur og komið fyrir leik-
tækjum. Enn er þó mikið óunnið á landinu umhverfis byggingarnar,
en vonir standa til, að í sumar fáist framræsla á mýrinni sunnan
húsanna. Ekki hefur þótt ráð að girða landið fyrr en framræslu
væri lokið. Auk hinna tveggja hektara, sem upprunalega voru
leigðir, var samið um leigu á 4,37 hekturum til viðbótar. Landið
mælt og kortlagt, og mælt fyrir framræsluskurðum. Mælingar ann-
aðist Ásgeir L. Jónsson, vatnsvirkjafræðingur.
Þegar rekstur barnaheimilisins hófst, þraut brátt vatn í vatns-
bólinu skammt norðan húsanna. Yar þá undinn bráður bugur að
því að leggja vatnsleiðslu um 1200 metra veg, en með því móti
fékkst nægt og gott uppsprettuvatn „sjálfrennandi". Verður af
þessu um 60 þús. króna aukakostnaður.
Kostnaður við allar þessar framkvæmdir var samkvæmt ársreikn-
ingi kr. 401.178.45.
Helztu gjafir, sem borizt hafa til Laugaráss, eru kr. 9.250.00
frá Raftækjaverksmiðjunni í Hafnarfirði, í sambandi við kaup á
raftækjum, og girðingamet frá Sambandi íslenzkra samvinnufélaga,
og mun það nægja í girðingu umhverfis land það, sem R. K. I.
hefur á leigu í Laugarási.
Fyrri hluta þessa árs hefur ríkisstjórn og bæjarstjórn Reykja-
víkur, hvor um sig, veitt 125 þús. króna styrk til Bamaheimilisins
að Laugarási. Þetta fé ásamt andvirði fjár þess, sem varðveitt
var í U. S. A., en nú hefur verið flutt heim, mun sennilega nægja
til þess að greiða allar skuldir, er hvíldu á R. K. f. vegna heim-
ilisins og væntanlega hrökkva fyrir ráðgerðum framkvæmdum þar
eystra.
Er ástæða til þess að flytja öllum þeim, sem að því hafa stuðlað
að tekizt hefur að leysa fjárhagsörðugleika R. K. í., beztu þakkir,
og rétt og skylt að minnast sérstaklega þeirra Steingríms Stein-
þórssonar, forsætisráðherra, og Gunnars Thoroddsen, borgarstjóra,
í þessu sambandi.
Reykjavik, 25. júní 1953.
Kristinn Stefánsson.
88
Heilbrigt líf