Skinfaxi - 01.03.2016, Page 12

12 SKINFAXI tímarit Ungmennafélags Íslands
Borgarbyggð býður gesti á
Unglingalandsmóti UMFÍ 2016
velkomna til Borgarness
Unglingalandsmótið hefur fyrir löngu áunnið
sér sess sem skemmtileg, fjölbreytt og minnis-
verð fjölskylduskemmtun.
Í Borgarnesi eru góðar aðstæður til að halda
svo fjölmenna og fjölbreytta samkomu sem
Unglingalandsmótið er. Meginhluti keppninn-
ar fer fram á glæsilegu íþróttasvæði bæjarins.
Þar er að finna sundlaug, körfuknattleikssal,
frjálsíþróttavöll og knattspyrnuvöll.
Í Borgarnesi eru miklir möguleikar til afþrey-
ingar fyrir alla fjölskylduna. Bjössaróló hentar
yngstu kynslóðinni og hefur ákveðna sérstöðu
meðal leikvalla í landinu. Með ströndinni í
Neðri bænum í Borgarnesi hefur verið byggður
upp göngustígurinn „Söguhringurinn“ sem
leiðir áhugasama með ströndinni og meðfram
eldri hluta bæjarins með fínu útsýni bæði til
hafsins og bæjarins. Bjössaróló, Englendinga-
vík og Vesturnes tengjast hringnum.
Skallagrímsgarður er frábær gróðurvin í hjarta
bæjarins. Hann er að stofni til frá árinu 1932
en á seinni árum hefur verið unnið eftir nýlegri
áætlun um skipulag hans.
Sífellt vaxandi ferðamannastraumur hefur haft
sín áhrif á mannlífið í Borgarnesi. Hann hefur
t.d. leitt af sér að sífellt fjölbreyttari þjónusta
hefur byggst upp í bænum á liðnum árum.
Nú er t.d. að finna í Borgarnesi fjölda veitinga-
staða sem bjóða gestum upp á fjölbreytta en
frábæra þjónustu.
Velkomin á Unglingalandsmót