Skinfaxi - 01.04.2017, Qupperneq 33
SKINFAXI tímarit Ungmennafélags Íslands 33
andi og í öðrum skólum, jafnvel laust í reipun-
um. Ég er algjörlega ósammála því. Nám í lýð-
háskóla er mjög framsækið. Munurinn felst í
því að nám í lýðháskólum íþyngir ekki nem-
endum og krefur þá stöðugt um að sýna
frammistöðu sína og fá góðar einkunnir. Skari
fram úr á einhvern hátt. Það eru einmitt
áhættuþættirnir í skólakerfinu, kröfurnar
auka líkur á þunglyndi ungs fólks, kvíða og
brottfalli úr námi. Í lýðháskólum fá nemendur
krefjandi verkefni sem reynir á þá. En þeir
þurfa ekki að verða bestir. Þar fá þeir þraut-
seigjuna, verða hugaðri og vilja prófa eitt-
hvað nýtt. Íslendingar eru á réttri leið með
því að setja lýðháskóla á laggirnar. Þeir eru
eitt af þessum verkfærum sem þið þurfið til
að bæta samfélagið,“ segir Lisbeth Trinskjær
og bætir við að gögn sem hún hafi séð bendi
til að nemendur sem falla úr skóla en koma
sér aftur af stað í lýðháskóla fari í frekara nám
en aðrir sem ekki fóru í lýðháskólann.
Lýðháskólar
vökva plöntuna
Lisbeth Trinskjær ítrekar að hún undrist að
ekki skuli vera fyrir lifandi löngu búið að opna
lýðháskóla hér á landi. Hún segir þá staðreynd
að hér á landi er ekki lýðháskóli eins og á hin-
um Norðurlöndunum hugsanlega tengjast
því að árangur af starfi lýðháskóla láti bíða
eftir sér. Stjórnmálamenn hafi lítinn hvata
til að stofna slíka skóla þar sem þeir eru ekki
fyrir af þeirri einföldu ástæðu að árangurinn
lætur bíða eftir sér.
„Stjórnmálamenn vilja sjá árangur á tiltölu-
lega stuttum tíma,“ segir Lisbeth.
„Íslendingar ættu að hafa lýðháskóla. Þeir
auka fjölbreytni í námi. En svo er þetta eins
og með plönturnar. Ef þú vökvar ekki blómin
stækka þau ekki heldur visna og deyja. Það
sama á við ungt fólk sem vill læra annað en
er boðið í framhaldsskólum nú. Ef ungu fólki
er ekki leyft að vaxa og dafna leiðir það til
vandamála,“ segir hún og færir þannig rök
að því að lýðháskólar bæti samfélagið.
• Lisbeth Trinskjær hefur verið skólastjóri lýðháskólans Ubberrup Højskole í Kalundborg á Sjálandi
síðastliðin 12 ár. Þetta er heilsutengdur skóli og stærstur á sínu sviði. Þar læra nemendur
sitthvað um breytingu á lífsstíl fólks, heilbrigt mataræði, sálfræði, æfingar og fleira. Nemendur
eru á öllum aldri, allt frá 18 ára aldri til rúmlega sjötugs og um 400 á hverju ári. Þeir dvelja að
jafnaði í þrjá mánuði við skólann í hvert sinn. Margir nemendanna leita einmitt eftir því að taka
upp nýja og betri siði til að koma heilsu sinni í lag. Nánar um skólann: https://www.ubberup.dk/
• Ungmennafélag Íslands hefur lengi skoðað að setja á laggirnar lýðháskóla í samstarfi við stjórn-
völd. Horft hefur verið til bygginga sem standa eftir á Laugarvatni eftir að stjórn Háskóla Íslands
ákvað að flytja íþróttafræðinám sem var þar til Reykjavíkur.
• Lýðháskóli UMFÍ myndi leggja áherslu á ferðaþjónustu, lýðheilsu og íþróttir.
• Á síðasta ári var samþykkt að fela mennta- og menningarmálaráðherra að hefja vinnu að gerð
frumvarps um lýðháskóla á Íslandi og gera þá að viðurkenndum valkosti í námi. Ráðherra átti
að leggja frumvarpið fram eigi síðar en á vorþingi 2017. Ekkert varð af málinu.
• Unnið er að stofnun lýðháskóla á Flateyri og er stefnt að því að hann taki til starfa haustið 2018
þótt frumvarp um stofnun lýðháskóla hafi ekki komist áfram. Stefnt að því að bjóða upp á nám
í kvikmyndun, tónlist, umhverfismálum og sjálfbærni.
#DOWHATYOUWANT
DO IT WITH LOVE, RESPECT
AND CONDOMS.