Skinfaxi - 01.04.2017, Qupperneq 34
34 SKINFAXI tímarit Ungmennafélags Íslands
UMFÍ veitti á síðasta ári 2,2 mill-
jónum króna til 45 ungmenna í
ferða- og dvalarstyrki til náms í
lýðháskólum á Norðurlöndum.
UMFÍ hefur alla tíð stutt hugmyndina um
óformlegt nám við lýðháskóla. Undanfarin
ár hafa ungmenni, sem hyggja á nám við
lýðháskóla í Danmörku, getað sótt um styrk
til UMFÍ fyrir hluta útgjalda sinna vegna
námsins.
Markmið og tilgangur með styrkveiting-
unni er að gefa ungu fólki tækifæri til að
víkka sjóndeildarhring sinn og styðja við
viðleitni þess til nýta tækifærið til að kynnast
nýju tungumáli og menningu, auka færni
sína og þekkingu á völdu sviði í gegnum
óformlegt nám og styrkja leiðtogahæfileika
sína um leið.
Fyrir skólaárið 2016–2017 hlutu 45 ung-
menni styrk hjá UMFÍ upp á samtals 2,2
milljónir króna. Styrkveitingarnar skiptast
í ferðastyrk og dvalarstyrk. Allir fá jafnan
ferðastyrk en dvalarstyrkur fer eftir dvalar-
tíma hvers og eins og er greitt fyrir hverja
viku.
Flestar umsóknir um nám komu frá nem-
endum sem stunda nám við Íþróttalýðhá-
skólann í Árósum í Danmörku. Í þeim skóla
stunduðu 18 nemendur nám á tímabilinu.
Þar á eftir komu skólarnir í Gerlev og Ollerup
með 6 nemendur hvor og Lýðháskólinn á
Norður-Jótlandi (NIH) með 5 nemendur.
Fyrir haustönnina 2017 komu svo langflestar
umsóknir frá NIH eða alls 10 af 25 umsókn-
um.
UMFÍ STYRKIR UNGMENNI TIL NÁMS
Í LÝÐHÁSKÓLUM Í DANMÖRKU
Til þess að uppfylla kröfur um styrkveitingu
þurfa nemendur að skila þremur verkefnum
til UMFÍ. Eitt þessara verkefna er að senda
inn lýsingu á upplifun sinni af skólanum.
„Þann 9. ágúst sl. hófst ein skemmtileg-
asta og lærdómsríkasta upplifun mín til
þessa.“ Með þessum orðum hóf Björg Þor-
láksdóttir, nemandi við Krabbesholm í Dan-
mörku, verkefni sitt. Skólinn, sem hún er í,
býður upp á krefjandi nám á sviði listgreina.
„Í skólanum fær maður tækifæri á að taka
þátt í alls konar smiðjum utan sinnar brautar.
Ég hef því fengið að læra leirkerasmíði, silki-
prentun, smíði, ljósmyndun og módelteikn-
ingu. Þar að auki hef ég lært hvað mest á því
að þurfa að standa algerlega á eigin fótum í
nýju landi. Að vera allt í einu umkringd nýju
fólki allan daginn sem talar annað tungumál
getur verið mjög krefjandi.“
Hvað er
lýðháskóli?
Lýðháskólar finnast víða á Norður-
löndunum og eru eins konar lífs-
leikniskólar þar sem nemendur
geta valið sér skóla út frá áhuga-
sviði sínu. Margir fara í lýðháskóla
til þess að taka sér hlé á milli
menntaskóla- og háskólanáms
og vilja nýta þann tíma í eitthvað
spennandi, uppbyggjandi og
skemmtilegt.
„Eftir menntaskólann var ég ekki 100%
viss um hvað ég ætlaði að gera en núna er
ég alveg viss um að þessi ákvörðun var ef til
vill sú besta sem ég hef tekið. Skólalífið er
alveg rosalega skemmtilegt. Það er fjölbreytt
úrval af fögum alveg frá yoga yfir í surf, allir
geta fundið sér eitthvað við hæfi. Félagslífið í
skólanum er líka alveg til fyrirmyndar. Í hverri
viku er „højskoleaften“ þar sem allir verða
að mæta og taka þátt í einhverri athöfn, t.d.
kósíkvöldi, spilakvöldi eða einhverju öðru.
Það sem ég á eftir að öðlast mest í NIH er allt
sem tengist félagsfærni því að skólinn reynir
mjög mikið á samskipti milli allra. Við bætum
svo að sjálfsögðu líkamlega heilsa okkar sem
og andlega, þetta gerir mann allt að sterkari
manneskju. Mér finnst ég heppnust í heimi
að hafa fengið að kynnast öllum sem hér eru
– þetta eru allt meistarar!“.
Ragnheiður Erla Gunnarsdóttir
Nordjyllands Idrætshøjskole
Nordjylland
Viborg
Ringkobing
Århus
Ribe
Vejle
Sonderjylland
Fyn
Vestsjaelland
Storstrom
Fredriks-
borg
Roskilde
Københvn
Bornholm
Aalborg
Viborg
Århus
Ringkobing
Vejle
Ribe Odense
Åbenrå
Nykobing Falster
Soro
Roskilde
Hillerod
København
Hald Ege Efterskole
Ârhus Idrætshøjskole
Gerlev Idrætshøjskole
Gymnastikhøjskolen Ollerup
Hvernig nemendur upplifa lýðháskóla