Skinfaxi - 01.02.2019, Blaðsíða 30

30 SKINFAXI
Keppt í hlaupaskotfimi í fyrsta sinn
Unglingalandsmót UMFÍ fór fram á Höfn í Hornafirði um versl-
unarmannahelgina. Þetta var 22. Unglingalandsmótið sem hald-
ið er. Fyrsta mótið var haldið á Dalvík árið 1992 og hefur það
verið vítt og breitt um landið á þessum 27 árum sem liðin eru.
Keppendur á Höfn, sem voru á aldrinum 11–18 ára, voru tæp-
lega þúsund. Veðrið var afspyrnugott í frábæru umhverfi.
Sérstaklega þótti skemmtilegt á Unglingalandsmótinu að
greinar voru nokkurn veginn á einum og sama reitnum sem
markaðist af Bárunni og sundlauginni. Afþreyingartorg og
kvöldvökutjaldið voru á sama stað.
Eins og alltaf var bryddað upp á hressilegum nýjungum á
mótinu. Á mótinu var keppt í hlaupaskotfimi (e. biathlon) í
fyrsta sinn. Greinin var kynnt til sögunnar á Landsmótinu á
Sauðárkróki á síðasta ári og fyrir áhugafólki í Kópavogsdal
bæði í fyrrasumar og aftur nýliðið sumar. Níu þátttakendur
kepptu í greininni og höfðu gaman af. Guðni Th. Jóhannesson,
forseti Íslands, veitti verðlaun í greininni en forsetahjónin tóku
þátt í öllu mótinu með börnum sínum um verslunarmannahelgina.
Fleira skemmtilegt bar upp á í tengslum við Unglingalands-
mótið á Höfn og var lausnahugsun í fyrirrúmi. Í Bárunni voru
sem dæmi búnir til tveir einkar glæsilegir körfuboltavellir með
áhorfendasvæðum, með tiltölulega stuttum fyrirvara. Fleiri skrán-
ingar voru jafnframt í strandblak og strandhandbolta en búist
hafði verið við. Þriðji völlurinn var því búinn til með aðeins dags
fyrirvara úr timburbúkkum, þökum og sandi.
Hjálpaði keppanda
Við slit Unglingalandsmóts UMFÍ var Vaka Sif Tjörvadóttir
heiðruð sérstaklega. Vaka, sem er 11 ára, keppti í götuhjól-
reiðum á mótinu. Undir lok keppni sá hún að í vegkanti sat
drengur sem fengið hafði astmakast. Vaka stoppaði til að
hjálpa drengnum og stöðvaði bíl sem í voru ferðamenn sem
höfðu púst til að gefa honum. Fleiri börn bættust í hópinn og
hringdu þau á Neyðarlínuna. Þegar drengurinn var kominn
undir læknishendur héldu Vaka og vinir hennar keppni
áfram en komu síðust í mark. Viðbrögð Vöku og annarra
keppenda eru til fyrirmyndar.
Unglingalandsmót UMFÍ á Höfn