Skinfaxi - 01.02.2019, Blaðsíða 41

SKINFAXI 41
20.000
Næturhlaup og fræðsla um lýðheilsu
Boðið var upp á fjölda viðburða af ýmsum toga víða um land í
Hreyfiviku UMFÍ. Hér skulu nokkrir nefndir:
• Opna Bose-hlaup Origo og Hafnarfjarðarbæjar sem var haldið
í tengslum við Hreyfiviku UMFÍ.
• Fyrirlestrar í Borgarnesi um mikilvægi þolþjálfunar, börn sem
fyrirmyndir og fræðsla um líkamsvitund. Vina-
æfing og frjálsum og fjölskyldujóga
í Skallagrímsgarði.
• Keppni um að taka sem flestar sjálfur
við Fardagafoss á Fljótsdalshéraði.
• Kvenfélag Grindavíkur bauð upp á
3,2 kílómetra göngu inn í Selskóg
og gróðursetningu sumarblóma við
minnisvarða Ingibjargar Jónsdóttur.
Hreyfivika UMFÍ hefur verið haldin árlega frá árinu 2012. Hún er
samevrópskt verkefni. Þetta árið var bryddað upp á nýjungum þar
sem grunnskólar kepptu sín á milli og hvöttu aðra til að finna upp-
áhaldshreyfingu sína.
Hreyfivika UMFÍ fór fram dagana 28. maí – 4. júní á þessu ári.
Vikan hefur fest sig víða í sessi og fjölmargir boðberar hreyfingar
um allt land hafa unnið ötullega að því að kynna kosti þess fyrir
landsmönnum að hreyfa sig reglulega. Allt frá fyrsta ári hafa
20.000 þátttakendur í Hreyfiviku UMFÍ
boðberar hreyfingar, sjálfboðaliðar víða um land, séð um að
brydda upp á alls konar hreyfitengdum verkefnum og ýmist fá aðra
til að hreyfa sig, komast í kynni við hreyfingu sem þátttakendur
gætu hugsað sér að leggja rækt við eða fræðast um hreyfingu og
lýðheilsu.
Þátttakendum í Hreyfiviku UMFÍ gafst jafnframt kostur á að taka
mynd af sér við ýmiss konar hreyfiverkefni, merkja myndirnar með
myllumerkinu #minhreyfing og áttu þess kost að vinna veglega
vinninga frá 66° Norður og Ölgerðinni.
SKÁTAR BREGÐA Á LEIK
Hreyfivika UMFÍ var ekki sett með formlegum hætti. Þess í stað náði
fjöldi viðburða sem hitað var upp í, í aðdraganda vikunnar, hámarki
þegar vikan hófst. Í Reykjanesbæ var viðburður við skátaheimili
Heiðarbúa við Hringbraut og á túninu á bak við skrifstofu sýslu-
manns. Fjöldi ungmenna tók þátt í viðburðinum.
SUNDKEPPNI MEÐ BREYTTU SNIÐI
Sundkeppni sveitarfélaganna er einn liður í Hreyfiviku UMFÍ. Sund-
keppnin hefur verið haldin frá árinu 2015 en féll niður árið 2018.
Í ár var sundkeppnin endurvakin en með nýjum áherslum. Í stað
þess að hvert sveitarfélag keppti um flesta metra var keppt í hverri
sundlaug fyrir sig. Það voru 26 sundlaugar sem tóku þátt, í 20 sveit-
arfélögum. Sundlaugin á Kirkjubæjarklaustri fór með sigur af hólmi
þetta árið með 264,8 metra synta á hvern íbúa í bæjarfélaginu.
STARFSFÓLK LYFJU TÓK Á ÞVÍ
Í Hreyfivikunni var lögð áhersla á að fá fyrirtæki til að taka þátt í
henni. Lyfja og Orka náttúrunnar tóku virkan þátt í atburðinum og
brydduðu boðberar hreyfingar hjá fyrirtækjunum upp á ýmsum við-
burðum til að hvetja samstarfsfólk sitt til þess að hreyfa sig. Fleiri
fyrirtæki hafa lýst yfir vilja til þátttöku á næsta ári.
„Þetta leggst mjög vel í mannskapinn. Það er gott að taka svolítið
á því og hreyfa sig í Hreyfiviku UMFÍ. Það er hvatning til starfs-
manna og eflir starfsandann,“ sagði Þorsteinn Hjörtur Bjarnason
aðstoðarlyfjafræðingur í Lyfju við Smáratorg, sem var boðberi fyrir-
tækisins í Hreyfivikunni. Starfsfólkið gerði 100 þrekæfingar af ýms-
um toga á hverri vakt, svo sem armbeygjur, hnébeygjur og fleira.
Á Selfossi fór starfsfólk í göngutúra eftir vinnu, lærði taekwondo og
fékk fræðslu um jóga og fleira í hádeginu.
Hvað er Hreyfivika UMFÍ?
UMFÍ hefur síðastliðin sjö ár tekið þátt í evrópskri lýðheilsu-
herferð undir nafninu Now We Move. Hér á landi kallast
herferðin Hreyfivika UMFÍ. Markmið verkefnisins er að fá
hundrað milljónir fleiri Evrópubúa til að hreyfa sig reglulega
fyrir árið 2020. Rannsóknir sýna að einungis þriðjungur
íbúa í Evrópu hreyfir sig reglulega.
Eitt af markmiðum verkefnisins er að kynna kosti þess að
taka reglulega virkan þátt í hreyfingu og íþróttum. UMFÍ
tekur verkefnið sem langhlaup og hvetur alla til að finna
uppáhaldshreyfingu sína og stunda hana reglulega eða að
minnsta kosti í 30 mínútur daglega.
Boðberarhreyfingar 90Viðburðir 200Þátttakendur 20.000
Bæjarfélög
40