Skinfaxi - 01.02.2021, Blaðsíða 16

16 S K I N FA X I
Fullt af frábæru fólki
Barbara var spurð hvaða lykilþættir hafi orðið
til þess að Íslandsmeistaratitillinn vannst.
„Fyrsta skrefið var að ráða góðan þjálfara.
Mér tókst að sannfæra Radoslaw Rybak, fyrir-
verandi landsliðsmann frá Póllandi, um að
koma til okkar og taka að sér stöðu yfirþjálf-
ara Hamars. Svo var auðvitað mikill fengur
í að fá tvíburana Hafstein og Kristján Valdi-
marssyni loksins heim. Þjálfarinn eyddi mikl-
um tíma í að stúdera önnur lið og leikkerfi
þeirra og lagði metnað í að undirbúa strák-
ana fyrir hvern einasta leik. En svona titill
vinnst ekki bara á leikmönnum. Við erum
með fullt af frábæru fólki sem styður við
bakið á okkur, bæði fjárhagslega og sem
sjálfboðaliðar. Stór þáttur er líka að vera
með fókusinn á hreinu og tapa aldrei gleð-
inni og jákvæðninni,“ segir Barbara.
Hægt ef allir standa saman
Hvernig tilfinning var það þegar Íslands-
bikarinn var afhentur?
„Ég fann auðvitað fyrir mikilli gleði, stolti
og þakklæti. Það liggur mikil vinna á bak
við þetta og því var það verulega ljúft. Við
sýndum að þrátt fyrir að vera lítil blakdeild
á Suðurlandi, með örfáa leikmenn, er þetta
hægt ef allir standa saman og stefna að sama
markmiðinu. Strákarnir urðu deildar-, bikar-
og Íslandsmeistarar, allt risatitlar, auðvitað,
en ég sjálf upplifði úrslitaleikinn í Bikarnum
svona sem eitthvað alveg geggjað. Um-
gjörðin í Kjörísbikarnum var miklu flottari og
það var algjör hátíðarstund þegar bikarinn
kom loksins heim.“
Hækkuðum „standardinn“
Barbara var spurð hvaða áhrif það hafi á
samfélagið þegar svona titill vinnst.
„Þetta sameinar okkur öll, ekki spurning.
Það var frábært að sjá fólk mæta uppi í stúku
til að horfa á blakleiki og fagna með strák-
unum okkar. Við vorum í öllum helstu frétt-
um og fullt af myndum og frásögnum á sam-
félagsmiðlum. Þá hafa Hamarsmenn án efa
hækkað „blakstandardinn“ á Íslandi á sein-
asta tímabili með því að vinna alla leiki sína
og alla titla. Ég veit að önnur lið hafa unnið
hörðum höndum að því að bæta fleiri góð-
um leikmönnum við og það er ekkert nema
frábært. Að þróa og betrumbæta blakið á
Íslandi er líka markmið okkar.“
Krakkarnir eigna sér
fyrirmyndir
Hvaða áhrif hefur þetta á íþróttina og yngri
flokka starf félagsins?
„Þetta hefur klárlega áhrif og krakkarnir
eigna sér fyrirmyndir. Það eru eingöngu
menntaðir þjálfara hjá okkur og þau hafa
verið dugleg við að hvetja krakkana að
mæta á blakleiki til að horfa. Eftir að Kjörís-
bikarinn vannst mættu allir úrvalsdeildar-
leikmennirnir okkar á krakkablaksæfingu.
Börnin og unglingarnir fengu að spjalla við
meistarana og síðar var farið á æfingu og
spilað saman. Það var frábært framtak að
gefa yngri kynslóðinni kost á að hitta bikar-
meistarana og bjóða upp á þessa samveru.“
Mikilvægt að öllum líði vel
Hafið þið notað eða gætuð þið hugsað
ykkur að nota tæki og tól úr „Sýnum
karakter“ í starfi ykkar?
„Alveg klárlega. Við, sem þjálfum, höfum
öll farið á námskeið og tekið bæði íþrótta-
þjálfara- og blakþjálfaraprófin. Við leggj-
um áherslu á að vera með skemmtilegar og
fjölbreyttar æfingar. Stundum spila krakk-
arnir saman í hópum, stundum erum við að
gera einstaklingsæfingar, en alltaf pössum
við upp á að þetta sé fyrst og fremst gaman.
Það er mikilvægt að öllum líði vel, bæði and-
lega og líkamlega. Við gerum okkur líka
dagamun, t.d. á öskudag eða Halloween.
Þá geta krakkarnir unnið sér inn góðgæti í
gegnum þrautir og leiki sem er alltaf rosa-
lega vinsælt. Svo er það líka þannig í blaki
að allir geta fundið sína stöðu og æft blak.
Krakkar, sem eru stórir og sterkir, geta smass-
að, en þau sem eru minni eru oft hörkugóð-
ir varnarmenn. Þau læra að meta að það er
gott að við erum ekki öll eins og að bera
virðingu hvert fyrir öðru. Við þjálfararnir
mælum árangurinn ekki bara í verðlaunum,
heldur einnig í ánægju og við vitum að
markmið okkar eru ekki bara íþróttaleg,
heldur líka félagsleg,“ segir Barbara.
Markmið okkar eru ekki bara íþróttaleg,
heldur líka félagsleg
– Barbara Meyer, formaður blakdeildar Hamars í Hveragerði
Hamar Hveragerði, Íslands- og deildarmeistarar 2021. Kampakátir bikarmeistarar 2021 með Kjörísbikarinn.
Barbara Meyer, formaður blakdeildar Hamars
Hveragerði.