Skinfaxi - 01.02.2021, Blaðsíða 42

42 S K I N FA X I
HVAÐ ER AÐ
FRÉTTA?
„Við ákváðum að taka þetta alla leið í upp-
hafi og vorum stórhuga, því við vissum að
rafíþróttir væru málið. Við sóttum um styrki,
fengum lán, keyptum tölvur og eigum nú
langflestar tölvur af rafíþróttadeildum lands-
ins,“ segir Bjarni Sigurðsson, formaður raf-
íþróttadeildar Íþróttafélagsins Þórs á Akur-
eyri. Þetta er nýjasta deild félagsins og sú
næststærsta innan félagsins á eftir knatt-
spyrnudeildinni.
Bjarni spilaði tölvuleiki á árum áður og
báðir synir hans eru framarlega í greininni.
Sjálfur hefur hann verið í stjórn Rafíþrótta-
samtaka Íslands (RÍSÍ) og í stjórn fleiri deilda
innan Þórs. Hann byrjaði að tala fyrir því að
stofna rafíþróttadeild innan Þórs árið 2018
og ítrekaði það ári síðar. Í hvert sinn var bet-
ur tekið í hugmyndina og úr varð að í febrú-
ar 2020 var deildin svo stofnuð.
Iðkendur eru tæplega 300, að sögn
Bjarna. Það skýrist einkum af því að rafíþrótt-
ir eru orðnar hluti af valgreinum í efstu bekkj-
um grunnskóla á Akureyri. Verið er að prófa
valið í einum hópi á miðstigi. Grunnskóla-
nemendurnir eru um 180 af öllum iðkendum.
„Þetta gerðist einfaldlega þannig að pílu-
kastið var samþykkt sem val inn í skólana
og ég náði að lauma rafíþróttunum með,“
segir Bjarni og bætir við að lögð sé áhersla
á að iðkendur upplifi sig eins og annað
íþróttafólk. „Við nálgumst þetta þannig að
iðkendur í grunnskóla mæta í íþróttaklefa
svo þau upplifi að þau eru hluti af félaginu.
Þjálfari fer yfir mataræðið með þeim og
fræðir þau um mikilvægi hreyfingar ásamt
því að gera æfingar. Eftir það fara þau í
tölvurnar.“
Börnin eignast nýja vini
í rafíþróttum á Akureyri
Aðstaða rafíþróttadeildar Þórs er í stúk-
unni. Hún var áður nýtt sem geymsla.
Bjarni segir gríðarlega eftirspurn eftir
auðu sæti í rafíþróttadeildinni. „Það er allt
fullt hjá okkur. Við erum að vinna í því að
Rafíþróttadeild Þórs á Akureyri hefur sprungið út. Aðsóknin er gríðarleg og uppgangurinn hraður.
Nú er svo komið að deildin er sú fjölmennasta á landinu og sú næststærsta innan íþróttafélagsins.
Formaður deildarinnar segir foreldra iðkenda gríðarlega ánægða með framfarir barna sinna.
• Rafíþróttadeild Þórs á 24 tölvur. Heildarkostnaður við
hverja stöð er í kringum 400.000 kr. Kostnaðurinn
liggur í öflugri tölvu, lyklaborði, mús, borði og góðum
stól.
• Þar sem rafíþróttir eru hluti af vali í grunnskóla eru engir
leikir með eldri aldursviðmið í boði. Á námskeiðum
þurfa foreldrar að samþykkja að iðkandinn megi spila
leiki með hærra aldursviðmiði.
• Æft er tvisvar í viku hjá Þór, í einn og hálfan tíma í senn.
Í skoðun er að bæta einni æfingu við hjá eldri iðkend-
um og auka hreyfingu.
fjölga úrvali af tölvuleikjum og þjálfurum.
Þeir eru ekki á hverju strái því að þeir þurfa
að ráða bæði við hreyfingu iðkenda og
kunna á tölvuhlutann,“ útskýrir Bjarni.
Mömmurnar sjá um
að svara
Bjarni segir foreldra iðkenda afar ánægða
með fyrirkomulagið. „Við höfum fengið of-
boðslega fallega tölvupósta þar sem þeir
segja frá framförunum sem börnin þeirra
eru að taka í félagsstarfi og öðru. Ein mamm-
an lýsti því fyrir mér með tárin í augunum
hvað hún væri glöð þegar sonur hennar
sagðist vera að fara í sund með vini sínum
sem hann hafði hitt í deildinni. Hann átti
ekki marga vini fyrir,“ heldur Bjarni áfram.
Mæður iðkenda eru jafnframt helstu stuðn-
ingsmenn rafíþróttadeildar Þórs.
„Þegar gagnrýni kemur á deildina, á sam-
félagsmiðlum eða annars staðar, sjá þær
um að svara athugasemdum. Það sýnir að
við erum á réttri leið,“ segir Bjarni.
Bjarni Sigurðsson, formaður rafíþrótta-
deildar Íþróttafélagsins Þórs á Akureyri.