Skinfaxi - 01.02.2021, Blaðsíða 36

36 S K I N FA X I
„Nú hefur verið ákveðið að færa klukkuna ekki. En þá er spurning
hvort við getum fært hana til með því að breyta skólatímanum. Mig
langar til að gera tilraun frá og með næsta hausti í einhverjum skól-
um sem hafa áhuga og sjá hvort krökkum og kennurum líkar það
að breyta skólatímanum,“ segir Dagur B. Eggertsson, borgarstjóri
í Reykjavík.
Pæling þessa efnis kom upp á fjölmiðlafundi forvarnadagsins í
Dalsskóla í byrjun október. Á deginum er lögð áhersla á andlega
líðan ungmenna og horft á mikilvægi svefns. Borgarstjóri spurði
þar fulltrúa ungmenna, sem staddur var á fundinum, hvenær skól-
inn byrjaði. Fulltrúi nemenda svaraði því til að skólinn hefjist
klukkan 8:30 á hverjum degi. Þegar nemendur voru spurðir að því
hvenær þeir myndu vilja hefja skóladaginn sögðu þeir það vera á
milli 9 og 10.
„Við verðum að spá í þetta!“ svaraði Dagur og vísaði til þess sem
Alma D. Möller landlæknir hafði sagt fyrr á fjölmiðlafundinum að
klukkan gangi ekki alveg við skipulag samfélagsins. „Þá er bara
spurning um að breyta því fyrir unglinga. Og reyndar á framhalds-
skólastiginu líka. Þið megið pæla í þessu með mér.“
Fólk sefur of lítið
Þau Dagur B. Eggertsson borgarstjóri og Alma D. Möller landlæknir
hafa ýtt úr vör lýðheilsuátaki þar sem kastljósinu er beint að tengsl-
um svefns við andlegt og líkamlegt heilbrigði. Svefninn er þar
talinn lykilþáttur, sérstaklega fyrir ungt fólk.
Vill að skólar byrji seinna á morgnana
Landlæknir segir klukkuna ekki ganga í takt
við skipulag samfélagsins. Ekki er hins vegar
á dagskrá að breyta klukkunni á veturna og
sumrin. Borgarstjóri segir því tilefni til að
gera tilraun með að færa skóladaginn og
láta kennslu hefjast seinna en áður.
„Við vitum að svefn er undirstaða góðrar heilsu,“ sagði Alma
en vakti um leið athygli á niðurstöðum kannana Rannsókna og
greiningar á svefni grunnskólanemenda. Niðurstöðurnar bendi til
að 44% nemenda í 8.–10. bekk sofi minna en þau ættu að gera.
Lágmarkið sé sjö tíma svefn en ákjósanlegt sé að ungt fólk sofi í
8–9 klukkustundir á hverri nóttu.
Landlæknir benti á samverkandi þætti svefns, andlegrar heilsu
og líkamlegra þátta.
„Þegar við sofum gerist gríðarlega mikið í líkamanum og heilan-
um. Fólk verður duglegra, minnið batnar, svefn dregur úr kvíða og
mörgu öðru,“ sagði Alma og benti á að nokkrir þættir geti dregið
úr gæðum svefns, s.s. ef skjátæki eru notuð tveimur klukkustund-
um áður en gengið er til náða, mikil koffínneysla, orkudrykkjanotk-
un og margt fleira sem veldur því að börn og ungmenni sofa
minna en áður. Þetta tengist því m.a. að 34% nemenda í 10. bekk
grunnskóla drekka orkudrykki, samkvæmt niðurstöðum könnunar
Rannsókna og greiningar á þessu ári.
„Þeim nemendum sem sofa verr, líður verr,“ sagði landlæknir.