Skinfaxi - 01.02.2021, Blaðsíða 29

S K I N FA X I 29
Skólablak er nýtt verkefni Blaksambandsins og unnið í samstarfi við UMFÍ,
ÍSÍ, CEV (Confederation European Volleyball), BeActive og blakfélög víða
um land. Kristall er styrktaraðili verkefnisins, sem ýtt var úr vör í fyrsta sinn
í október.
„Þetta hefur gengið alveg frábærlega vel og krakkarnir og kennararnir
eru hæstánægð,“ segir Elsa Gunnarsdóttir, verkefnastjóri hjá Blaksam-
bandinu, en hún og Óli Þór Júlíusson, mótastjóri Blaksambandsins, hafa
ferðast um landið og stýrt Skólablakinu.
Skólablakið er splunkunýtt verkefni á landsvísu sem stefnt er á að halda
á hverju ári næstu fjögur árin í samstarfi við við íþróttahreyfinguna og
Kristal. Viðburðurinn er haldinn í stórum íþróttahúsum víða um land og
þangað er boðið nemendum í 4.–6. bekk grunnskóla í bæjarfélögum í
kringum íþróttahúsið til að spreyta sig.
Þúsundir krakka skemmta sér
í Skólablaki um allt land
Fyrsta Skólablakið var haldið á Reyðarfirði 4. október síðastliðinn og
mættu þangað 200 krakkar, kennarar þeirra og aðstoðarfólk úr grunn-
skólum Fjarðabyggðar og Seyðisfjarðar. Gert er ráð fyrir því að 700–800
grunnskólanemendur taki þátt í hverju Skólablaki og munu því mörg
þúsund börn eiga kost á því að prófa blak á skólatíma undir leiðsögn
sérfræðinga.
Markmiðið með Skólablakinu er að auka þátttöku krakka í blaki á lands-
vísu með því að hafa leikreglurnar einfaldar og þægilegar þannig að öll
getustig ráði við leikinn. Auk þess er að sjálfsögðu markmið að búa til
skemmtilegan viðburð fyrir krakkana og að þau fái ánægjulega upplifun af
hreyfinu og keppni.
„Þetta er svo frábært að við hlökkum til að halda áfram með verkefnið á
næsta ári – og áfram næstu árin,“ segir Elsa.
Elsa og Skólablaksnillingarnir.
Skólablakið
er haldið á eftirtöldum stöðum:
• Akranes• Akureyri • Hafnarfjörður
• Hveragerði • Ísafjörður • Kópavogur
• Mosfellsbær • Reyðarfjörður
• Reykjanesbær • Reykjavík