Skinfaxi - 01.02.2021, Blaðsíða 34

34 S K I N FA X I
Það sem íþróttir hafa gefið mér
„Íþróttir hafa alltaf skipað stóran sess í lífi mínu og þá er ég að tala
um þátttöku innan sem utan vallar. Í gegnum þátttöku mína í íþrótt-
um og störfum innan íþróttahreyfingarinnar hef ég kynnst fjölda
skemmtilegs fólks sem á það sameiginlegt að hafa brennandi
áhuga á íþróttum og er tilbúið að leggja sitt af mörkum í þágu
þeirra,“ segir Guðrún Inga Sívertsen, skólastjóri Verzlunarskóla
Íslands, fyrrum varaformaður KSÍ og fyrrverandi knattspyrnukona.
Guðrún tók við skólastjórastarfinu í maí. Nýr kafli var þá skrifað-
ur í skólasöguna því að Guðrún er fyrsta konan sem sest í stól
skólastjóra. Hún útskrifaðist af hagfræðibraut Verzlunarskólans
árið 1997 og er jafnframt fyrsti verzlingurinn til að sinna starfinu.
Fram kemur í fréttum af ráðningu Guðrúnar að hún hefur gengið
víða um menntabrautina, er hagfræðingur með meistarapróf í
op in berri stjórn sýslu og diplómanám í kennslu fræði frá Háskóla
Íslands. Til viðbótar hefur hún lokið AMP-námi frá IESE-há skól an-
um í Barcelona á Spáni.
Það liggur auðvitað beinast við að spyrja: Hvernig nýtir þú þér
íþróttir til heilsubótar?
„Núna stunda ég fjölbreytta hreyfingu hvort sem það er að
ganga á fjöll, synda, hlaupa, fara á skíði eða stunda líkamsræktar-
stöðvar,“ svarar Guðrún.
Kostir íþróttaiðkunar eru ótvíræðir og gagnast
iðkendum frá barnæsku og langt fram á fullorðinsár.
En hvaða gildi hafa íþróttir fyrir einstaklinga og
hverju skilar iðkunin? Hér svara þessu tvær
íþróttakonur sem hafa átt farsælan feril utan vallar.
Spilar enn fótbolta með börnunum sínum
„Ég á góðar minningar úr fótbolta og lærði virkilega mikið þar.
Ég eignaðist marga góða vini og þroskaðist mikið félagslega. Ég
lærði hvað samvinna skiptir miklu máli til að ná árangri. Þetta hefur
nýst mér í vinnu,“ segir knattspyrnukonan og verkfræðingurinn
Ásthildur Helgadóttir, sem er jafnframt sviðsstjóri umhverfis-
sviðs Kópavogsbæjar.
Ásthildur rifjar upp að hún fékk skólastyrk í Bandaríkjunum í mjög
góðum skóla og fékk hún því tækifæri til að mennta sig um leið
og hún spilaði knattspyrnu.
„Þetta var mér mjög mikilvægt því að áhuginn á knattspyrnunni
gaf mér kost á að ferðast um heiminn.“
Ásthildur er með meistaragráðu í byggingarverkfræði frá Háskól-
anum í Lundi í Svíþjóð og B.E.-gráðu í verkfræði frá Vanderbilt-
háskólanum í Bandaríkjunum. Hún hefur m.a. verið bæjarfulltrúi í
Kópavogi og gegnt stöðu formanns íþrótta- og tómstundanefndar
bæjarins.
En hvernig nýtir Ásthildur íþróttir sér til heilsubótar?
Ég spila enn fótbolta með börnunum mínum og hef alltaf jafn-
gaman af fótbolta. Ég hef gaman af flestum íþróttum og spila golf
og fer á skíði, svo eitthvað sé nefnt,“ segir hún að lokum.
Kynntist fólki sem hefur brennandi áhuga á íþróttum
Ásthildur (t.v.) ásamt Þóru Björgu, systur sinni.