Heimili og skóli - 01.03.1973, Blaðsíða 17

menntamálaráðuneytið starfsáætlun, hús-
næði og annan aðbúnað skólans. Kennarar
skulu ráðnir og launaðir eftir sömu reglum
og kennarar við 1.—6. bekk grunnskóla.
32) Akvæðum um fjármál skólanna er
breytt í veigamiklum atriðum. Aðalatriðið
er, að miðað er við, að skólarnir fái nægi-
legt fé til þess að geta framkvæmt ákvæði
námsskrár í öllum hinum mismunandi
stærðum og gerðum skóla, ef þeir eru rekn-
ir í samræmi við gildandi skólaskipan, en
áður bar við, að ekki var samræmi milli
þeirra fjárframlaga, sem skólinn átti rétt á,
og þeirra, sem hann þurfti til þess að geta
framfylgt námsskrá, nema með því móti að
fá undanþágur.
33) Nú greiða sveitarfélög rekstrarkostn-
að skóla, annan en föst laun, en ríkissjóður
endurgreiðir þeim sinn hluta eftir árið.
Samkvæmt frumvarpinu greiða báðir aðil-
ar kostnaðinn jafnóðum mánaðarlega, sam-
kvæmt fyrirframgerðri og samþykktri áætl-
un.
34) Meðalfjöldi nemenda í bekkjardeild
skal eftir frv. vera 24—25, minnst 20, mest
30 nemendur. Tilhneiging hefur verið til
þess að undanförnu að hafa færri í deild-
um en þetta, en slíkt er mjög kostnaðarsamt
og órannsakað hér á landi að betri kennslu-
árangur náist á þann hátt.
35) Ákvæði lagafrumvarpanna eiga að
vera komin að fullu til framkvæmda innan
10 ára frá gildistöku.
36) Árleg aukning í'ekstrarkostnaðar af
frumvörpunum, ef að lögum verða, er áætl-
uð 289 milljónir króna, þar af er hluti rík-
issjóðs 229 millj. króna, en hluti sveitar-
félaga 60 millj. kr.
Kostnaðaraukinn kemur hins vegar ekki
allur fram strax. Á fyrstu 6 árunum er hann
talinn verða 44.5—27.5 millj. króna á ári
hverju, en 2—4 millj. á ári næstu 4 ár.
37) Til fróðleiks má geta þess, að nem-
endur 1972—-73 í barna- og gagnfræða-
skólum eru alls 46.558, þar af 17.222 í
Reykjavík, 14.561 í öðrum kaupstöðum og
14.775 utan kaupstaða.
38) Nefndin, sem frumvörpin samdi, tel-
ur, að sjá þurfi sveitarfélögum fyrir tekjum
til þess að standa að sínum hluta straum af
kostnaðaraukanum við framkvæmd frum-
varpanna.
Þess má geta, að samkvæmt fjárlögum
1973 eru ætlaðir 3.6 milljarðar króna til
skólamála eða um 16.8% af útgjöldum
samkvæmt fjárlögum, og þar að auki eru
svo framlög sveitarfélaga.
En svo vikið sé aftur að fundahöldunum
og vinnubrögðum við samningu frumvarp-
anna, þá er þess að geta, að þegar eftir
fundina á Norðurlandi voru gerðar veiga-
miklar hreytingar á frumvörpunum, svo
sem að tvær fræðsluskrifstofur skyldu vera
nyrðra, þar sem ein hafði verið ráðgerð
áður, og heimild tekin í frv. til þess að
nemendur hverfi um sinn frá grunnskóla-
námi á síðasta skyldunámsári til þátttöku í
atvinnulífinu. Síðan hefur nefndin unnið
úr því, sem fram kom á öðrum fundum, og
mun fyrir sitt leyti leggja til ýmsar breyt-
ingar á grunnskólafrumvarpinu í samræmi
við það, sem hún hefur sannfærzt um á
fundum, ráðstefnum og af öðrum athugun-
um og umræðum um málið.
Yera má, að þau nýstárlegu vinnubrögð,
sem höfð hafa verið við endurskoðun og
kynningu frumvarpanna, gætu orðið heppi-
legt fordæmi um gerð sérstaklega mikil-
vægra lagafrumvarpa í framtíðinni.
HEIMILI OG SKÓLI — 9