Heimili og skóli - 01.03.1973, Blaðsíða 37

upplestur á hverju skólaári, en námsárang-
ur og námsmat framkvæmt jafnóðum og
skólinn starfar, eftir því sem miðar hverju
sinni.
4. Aukin ráðgjafa- og sálfræðiþjónusta
verði möguleg í sem flestum skólahverfum
og að hægt verði að veita afbrigðilegum
börnum sérstaka og viðeigandi aðstoð nógu
suemma.
5. Að skólabókasöfn verði stærri þáttur í
kennsluformi en verið hefur, og þar geti
nemendur unnið að sérstöku verkefni og
sótt þangað fróðleik um fleira en krafizt er
í námsskrá.
6. Reynt er í frumvarpinu að jafna að-
stöðu til náms í dreifbýli og þéttbýli.
Helztu annmarkar á hinu nýja grunn-
skó^afrumvarpi, að mínum dómi, eru:
1. Oæskileg lenging skólaársins í níu
mánaða skólagöngu. Veldur námsleiða og
slítur börn og unglinga frá verklegri þjálf-
un við atvinnuvegina. Okkur er þörf á verk-
lega menntuðu fólki í mjög auknum mæli í
nánustu framtíð, og þess vegna þurfa ungl-
ingar að kynnast vinnu jafnhliða námi.
2. Skólaskylda níunda námsárs er vara-
söm, en fræðsluskylda nauðsynleg. Sumir
einstaklingar bíða tjón af því að vera skil-
yrðis^aust settir á skólabekk svo mörg ár,
væru því betur komnir á vinnumarkað, en
hins vegar æskilegt að fræðs^uskylda sé, svo
allir er vilja eigi kost á menntun að ákveðnu
marki. Má benda á reynslu nágrannaþjóða
í þessu efni, þar sem þetta er vandamál.
3. Varast ber að gera fræðslumálin svo
dýr í framkvæmd og kröfurnar svo miklar,
að það verki öfugt fyrir einstaklinga og
sveitarfélög, og verði til að draga úr nauð-
synlegum lagfæringum og endurbótum til
framfara.
Sýnist mér, að sumir þættir frumvarps-
ins verði til þess að auka svo kostnað, að
menn haldi að sér höndum að framkvæma
það nauðsynlegasta.
HEIMILI OG SKÓLI — 29