Læknaneminn - 01.10.1971, Síða 38

SJf
LÆKNANEMINN
Jakob V. Jónasson,
læknir:
Sjúklingurinn er 36 ára, gift sjó-
mannskona, fjögurra barna móðir,
sem lögð er inn á spítala vegna
kvartana um þunglyndi, aðgerðar-
leysi og kvíða. Undanfarna daga
hafa þessi einkenni verið svo þung-
bær, að sjúklingurinn hefur legið
undir feldi og trauðla hafzt nokk-
uð að.
Sjúklingur er elzt 8 systkina.
Faðir kvað hafa verið slæmur á
taugum, en móðir dó, þegar sjúkl-
ingur var 14 ára gömul. Sjúkling-
urinn gekk í unglingaskóla í einn
vetur, en varð síðan að hætta
námi, þar sem hún þurfti að sjá
um yngri systkini sín á heimilinu.
Sjúklingurinn giftist 19 ára
gömul og var þá barnshafandi.
Hún bjó fyrstu árin með manni
sínum á heimili tengdaforeldra
við mjög þröngan húsakost, en
þau hjónin hafa nú byggt stórt og
mikið hús, sem sjúklingi finnst
of rúmmikið. Eiginmaður sjúkl-
ingsins er burtu á sjónum, en kem-
ur heim á ca. 3ja vikna fresti og
dvelst þá heima í ca. 3 daga. Þeg-
ar elzta dóttir sjúklings var 15 ára,
eignaðist hún barn, og hefur sjúkl-
ingurinn þurft að mestu leyti að
hugsa um það.
Núverandi einkenni sjúklingsins
byrjuðu fyrir ca. 11 árum, og hafa
þau haldizt nokkurn veginn ó-
breytt síðan. Sjúklingurinn hefur
gengið á milli lækna, fengið hjá
þeim pillur af ýmsum tegundum
og ennfremur legið um stundar-
sakir á sjúkrahúsum. Hún hefur
allan þennan tíma átt erfitt með
að sinna húsverkunum sökum
þreytu, ergelsis, uppkasta og
þunglyndis. Hefur hún af þessum
sökum fyllzt talsverðri sektar-
kennd gagnvart börnum sínum og
finnst sem hún hafi ekki sinnt
heimilinu sem skyldi. Hún hefur
mikla tilhneigingu til þess að vilja
hafa allt í röð og reglu og kann
illa við hvers konar óreiðu. Vegna
atvinnu mannsins hefur hún hins
vegar þurft að sjá að mestu sjálf
um heimilið og fjárhaginn og
finnst, að maður hennar hafi
reynzt henni lítil stoð í þessum
efnum. Hún er þannig haldin tals-
verðri gremju út í eiginmanninn.
Sjúklingurinn er myndarleg
kona, prúð og hreinleg og í meðal-
lagi vel gefin. Hún er samvinnu-
góð í prófum og viðtölum og virð-
ist gera sér góða grein fyrir á-
standi sínu og vandamálum. Helztu
óþægindi hennar eins og stendur
eru eftirfarandi:
1. Sífelld hræðsla við að verða
ófrísk.
2. Áhyggjur varðandi elztu dótt-
urina, sem hún telur vera eins
og stjórnunarlaust rekald og
áhyggjur vegna barns þessar-
ar stúlku.
3. Óhentugt húsnæði.
4. Fjarvera mannsins frá heimil-
inu.
Framh. á bls. 86.