Læknaneminn - 01.10.1971, Page 106

86
LÆKNANEMINN
grein fyrir, hvað utanaðkomandi fólki
muni þykja áhugavert hér, og láist að
kynna slíka hluti út á við sem skyldi.
Við höfum hag af erlendum sambönd-
um til hugmyndaöflunar, en getum
einnig verið veitendur, ef betur er að
gáð. Jörgen Nystrup hvatti til þess, að
íslenzka „innritunarmálið'‘ yrði kynnt
á ráðstefnu NFMIJ i Osló um inn-
tökuskilyrði í læknadeildir, sem hald-
in var nú í byrjun október. Þangað fóru
tveir stúdentar og þrír prófessorar við
Læknadeild H.I. Nýskipaður stjórnar-
maður okkar í NMR, Ásbjörn Sigfús-
son miðhlutastúdent, var þarna kjörinn
annar tveggja stúdenta í sjö manna
stjórn NFMU, en fyrir íslands hönd sit-
ur þar einnig próf. Jóhann Axelsson.
Kjör Ásbjörns ætti að tengja okkur bet-
ur norrænum kollegum. Verður væntan-
lega nánar fjallað um þessi fundahöld
í Læknanemanum. Við birtum í þessu
blaði grein eftir Jörgen Nystrup, sem
hann skrifaði gagngert fyrir okkur, og
vonum að málið bögglist ekki fyrir
brjóstinu á neinum.
Ráðningar síðasta hluta læknanema í
launuð störf voru með mesta móti í
sumar. Lengst af voru 10—15 kandi-
dats- og aðstoðarlæknisstöður á Reykja-
víkursvæðinu setnar stúdentum. Mikið
var einnig sótzt eftir mönnum til vinnu
og afleysinga út á land og til þjónustu
á útihátíðum. Var ráðningastjóri oftast
í mannahraki, svo undarlegt sem það
kann nú að virðast. Eitthvað hiýtur
að vera bogið við þetta heilbrigðiskerfi
okkar, sem byggir á námsmönnum í
föst störf í svo ríkum mæli, að þeir
fara jafnvel hálf nauðugir í þau og
truflast stundum í námi af þessum sök-
um. Þó að þessi vinna sé okkur auð-
vitað ómetanlegur styrkur á námstím-
anum, getur hún gengið fram úr hófi.
Sem áður verða stúdentar notaðir tölu-
vert til kennslu í deildinni í vetur, eink-
um í lífeðlis- og líffærafræði. Er það
vel, meðan kennsluálag á hvern einstak-
an stúdent helzt innan hóflegra marka.
Nú lýkur enn einu ritstjórnartímabili
Læknanemans með tilheyrandi kveðjum,
þökkum og söknuði. Blaðamennskan
hefur þennan tíma gengið fremur þung-
lamalega, en út komust þrjú tölublöð
með hjálp góðra manna. Fylgirit er nú
með blaðinu, hið fyrsta um langt skeið.
Er það verk Ólafs Gríms Björnssonar
og fjallar um myndun læknisfræði-
heita*). Skal hönum þakkað þetta verk
og önnur ómetanleg störf í þágu frá-
farandi ritstjórnar.
Fjárhagur blaðsins hefur sízt batnað
síðan við tókum við og er mikið og
verðugt umhugsunarefni. Fjármála-
spekingar telja, að stækka þurfi hlut-
fallið auglýsingar/lesefni, gefa þurfi út
fleiri og minni blöð. Seint verður nógu
rík áherzla á það lögð, að gjaldkeri
blaðsins og auglýsingasafnarar úr hópi
yngri félaga hafi allar klær úti við fjár-
öflun. Með þvi stendur og fellur þessi
merka útgáfa.
Allir læknanemar eru hvattir til að
senda blaðinu ábendingar, greinar,
skrýtlur, .vísur eða teikningar í vetur
og reyna að lífga upp húmor blaðsins.
Við, sem hverfum úr ritstjórn, ósk-
um arftökunum allra heilla og vonum,
að betur gangi. S. S.
*) Hér er átt við: Hvernig eru Iæknisfræði-
heiti mynduð? eftir Knut Kleve. Fylgirit
Læknanemans í ágúst 1971. Telst það inni-
falið í áskriftargjaldi. — hessu blaði til-
heyrir einnig: FLORA MEDICORUM ET
CHIRURGORUM, VOLUMEN I. Fylgirit
Læknanemans í október 1971. Þetta er teikni-
myndasafn Sigurðar V. Sigurjónssonar, cand.
med. Verður það selt sérstaklega til þeirra,
sem þess óska.
Sjúkratilfelli
Framh. af bls. 34
Sjúklingurinn telur sig vera
orðna svo leiða á ástandi sínu, að
hún krefst fullkomins bata og
finnst læknar og meðferð þeirra
hafa komið að litlu haldi á und-
anförnum árum. Hún hefur engar
ranghugmyndir, en persónuleika-
próf hafa leitt í ljós, að hún á
erfitt með að s.já raunhæft sam-
hengi á milli hlutanna, og mat
hennar á s.jálfri sér virðist vera í
lökum raunhæfum tengslum. Til-
finningar hennar virðast heldur
grunnar, og hún virðist þola lítið
ólag, og kennir hún aðstæðum og
ytri kringumstæðum um.
Hver er sjúkdómsgreining þessa
sjúklings, og hvaða meðferð ætti
hún að fá?