Læknaneminn - 01.11.1977, Síða 30

Erfðafrœði
Bókin er þolanleg en þunglærð. Kennsla Sigurðar
Friðjónssonar er mjög illa skipulögð þó að margir
fyrirlestrar séu góðir. Sigurður þyrfti að gefa út
fyrirlestraskrá í uppliafi vetrar. Oft bar á því að
nemendur áttu erfitt með að fylgjast með hvar Sig-
urður var staddur í námsefninu. Nauðsynlegt var
að hafa kynnt sér efni fyrirlestranna til þess að hafa
af þeim fullt gagn. Mikilvægt var að fara í þau dæmi,
sem hann setti fyrir þar sem prófið var að nokkrum
hluta dæmareikningur. Furðulegt er að kenna erfða-
fræði sem inngang að lífeðlisfræði.
Próf var sameiginlegt í þessum þrem greinum og
var í heild mjög erfitt. Fóstur- og anatómíuhluti
þess byggist á því að geta skrifað viðamiklar og
skijjulega upp settar ritgerðir á sem skemmstum
tíma. Erfðafræðiþáttur prófsins var smásmugulegri.
Lífrœn cfnafrtvði
Bókin er nokkuð góð og ágætlega upp sett. Jónas
kenndi dálítið út fyrir bók í fyrstu, en fór á algeru
hundavaði yfir síðari helming hennar. Kennsla Jón-
asar var illa skipulögð, bæði hvað tíma og uppsetn-
ingu snerti. J>að mátti kallast gott ef hann gat þess
þegar kaflaskipti voru, hvað þá nánari fyrirsagnir
á námi enda er hann örugglegu einn af fáum raun-
greinakennara, sem kenna blaðalaust. Þó var gott
að nota glósurnar við próflestur þegar búið var að
fá undirstöðu með því að lesa bókina.
A prófinu er mikið spurt um smáatriði og alger
minnisatriði, sem mörg hver voru ekkert skyld lækn-
isfræði.
Tilraunirnar voru að mestu leyti kynning á að-
ferðum til framleiðslu, hreinsunar og greiningar á
lífrænum efnasamböndum. Þær fyrstu voru auðveld-
ar og undirbúningur fyrir þær síðari, sem voru
flóknar og margþættar.
Eðlisfrœði
Hún á að vera undirstaða í lífeðlisfræði, sem
kennd er á 2. námsári. Guðmundur S. Jónsson
studdist við bækurnar Medicinsk Fysik og Physics
for biology and medicine í yfirferð sinni. Tók hann
beztu kaflana úr báðum bókunum og gaf þá upp í
fyrsta fyrirlestri. Þessar bækur eru frekar óaðgengi-
legar fyrir stúdenta. Physics for biology and medi-
cine er meira stærðfræðileg og ætlast er til að stúd-
entar hafi lært meira í eðlisfræði áður. Medicinsk
Fysik er að því leyti óhagstæð að hún er of viða-
mikil og smásmuguleg. En þau atriði sem hún fjall-
ar um, skýrir hún betur en Physics for biology and
medicine.
Kennt er á haustmisseri, en prófið er um vorið.
Skapast af því mikið óhagræði, því nemendur vilja
láta þessa námsgrein sitja á hakanum hvað lestur
varðar. En mjög erfitt getur verið að finna tíma á
vormisseri vegna annarra tímafrekra námsgreina.
J'ess vegna er nauðsynlegt að lesa námsefnið yfir
meðan að farið er í það. Lífsnauðsynlegt er að taka
niður góðar glósur, þar sem prófið er að megin
hluta byggt upp af þeim. Kennslan sjálf var allgóð
og gerði Guðmundur námsefninu góð sk.il. En oft á
tíðum gat kennslan verið þurr, vegna staðreynda-
og formúluupptalningar. Dæmatímar voru hálf-
gagnslausir, þar sem fæstir nemendur höfðu lesið
heima, og voru því úrlausnir skrifaðar hráar niður.
Erfitt gat reynst að fá allt heim og saman, þegar
farið var að lesa yfir, því kennarinn notaði gamalt
dæmasafn, en flestir nemendur notuðu nýtt, sem
breytt hafði verið í mælistærðum og númeraröð á
dæmum. Reyndu menn því að fá lánuð dæmasöfn
hjá eldri nemendum. Verklegar æfingar í eðlisfræði
fórust algerlega fyrir, því alltaf var verið að fresta
þeim vegna kennsluaðstöðuleysis og að lokum voru
þær færðar yfir á 2. námsár. Hvort sú tilhögun verð-
ur áfram er óvíst.
Námsefni lil prófs er fyrst og fremst tímaglósur
og dæmi reiknuð í tímum og heima. Fyrir próf sagði
Guðmundur að nægilegt væri að lesa glósur, en þeg-
ar til kom, þurfti næstum því að læra þær frá orði
til orðs. IJað námsefni sem Guðmundur tekur fyrir
í tímum er allt væntanlegt prófverkefni. Leggja ber
áherzlu á að læra öll gröf, línurit, töflur o. s. frv.
sérstaklega vel, því að undirstaða fyrir próf er fyrst
og fremst góðar tímaglósur og reiknuð dæmi.
Macraanatomia I
Kennsla Hannesar Blöndals var mjög góð og vel
skipulögð, en þrátt fyrir það endurtók sama sagan
sig og á haustmisseri, að kennslutíminn nægði
22
LÆIÍNANEMINN