Læknaneminn - 01.04.2005, Page 33

Sumarvinna í héraði
lægð og Grímsey, en þangað er hálftíma flug. Upptökusvæði
Heilsugæzlustöðvarinnar er Akureyri og öll Eyjafjarðarsýsla að
undanskilinni Dalvíkurbyggð og Hrísey og auk þess vestasti hluti
Þingeyjarsýslu alveg austur í Ljósavatnsskarð. íbúafjöldi er
18500 manns. 10 fastir heilsugæzlulæknar eru á Akureyri auk
lækna í framhaldsnámi og á kandídatsári. Tveir læknar eru á
vakt í einu; forvakt og bakvakt. Afleysingalæknar sjá sér sjálfir
fyrir húsnæði en fá 35000 kr húsnæðisstyrk á mánuði. Vaktbíll er
í umsjá þess læknis, sem er á forvakt hverju sinni, en öðrum
læknum stendur hann til boða í vitjanir að degi til ef á þarf að
halda. Búast má við um 75 grænum miðum í mánuði +/- 10.
Forvakt er 3-4 daga í mánuði. Vaktlæknar fá aðstöðu til kvöld-
og helgarmóttöku sjúklinga á slysadeild Fjórðungssjúkrahússins
á Akureyri og er fjöldi sjúklinga á bilinu 5-15 á virkum dögum en
10-20 um helgar. Allir afleysarar taka vaktir og er þá reyndur
heimilislæknir alltaf á bakvakt til ráðgjafar. Hjúkrunarfræðingar á
slysadeild annast símavörslu fyrir vaktlækni um nætur. Bakvaktir
eru jafn margar og forvaktir en það er afar sjaldgæft að kalla
þurfi bakvakt út. Sérstök áherzla er lögð á að styðja við bakið á
afleysurum og leiðbeina þeim í stað þess að líta á þá einvörð-
ungu sem vinnudýr. í móttöku hafa þeir alltaf einhvern eldri og
reyndari að ráðfæra sig við og á vöktum veitir bakvakt símaráð-
gjöf. í upphafi starfstíma er sérstök kennsla á sjúkraskrárforritið
Sögu. Reynt er að hafa vikulega kennslu fyrir stúdenta yfir
sumarið. Afleysurum er látin í té handbók meðan þeir starfa á
heilsugæzlustöðinni. Heilsugæzlustöðin á Akureyri er þekkt fyrir
ýmsar nýjungar í heilsugæzlu s.s. óvenju mikið þverfaglegt
samstarf á grundvelli hugmyndafræði heimilislækninga og fjöl-
skylduverndar, rafræna lyfseðla og rafrænar læknabréfasend-
ingar.
Umsögn unglæknis:
Unglæknir var á staðnum sumarið 2004. Vinnuálag var eðlilegt,
nóg að gera í móttöku og talsvert á vaktinni. Þetta voru um átta
vaktir á mánuði, þar af helmingurinn bakvaktir þar sem ekkert
var að gera. Aðstaðan er mjög góð. Stofnunin útvegar ekki
húsnæði, en greiddar eru „húsaleigubætur". Starfsfólkið var
almennt jákvætt og vinalegt og sérfræðingar tóku vel í fyrir-
spurnir. Þarna var minni fjölbreytileiki en víða annarsstaðar. Alls-
konar heilsugæslustörf, en vegna slysadeildar á FSA var nær
ekkert um slíkar lækningar og ekkert gifsað eða saumað. Launin
voru í heild ágæt miðað við störf. Mjög góð staða að mínu mati,
sanngjörn laun, mikið back-up.
Heilsugæslan á Bolungarvík
Upplýsingar frá írisi Sveinsdóttur, lækni.
Svæðið tekur í raun yfir nyrsta hluta byggðar á Vestfjörðum.
Næst tekur við Norður-íshaf og Grænland. Á Bolungarvík búa
um 950 manns. Um er að ræða heilsugæslu með H1 stöðu og
er læknir því á krónískri vakt. Þegar kemur að helgarfríi fær
læknir afleysingu frá ísafirði. Annars er engin bakvakt á
staðnum. Afleysingalæknir fær íbúð sem er niðurgreidd að
stærstum hluta. Ferðir eru auk þess greiddar fyrir sumarafleys-
ingafólk. Á staðnum er vaktbíll og sjúkrabíll. Grænir seðlar verða
greiddir samkvæmt kjarasamningum. Læknir sinnir öllum
vöktum út ráðningartímann en fær þó a.m.k. eina frívakt yfir
mánuðinn. Læknir frá ísafirði sinnir þá vaktinni en afleysinga-
læknir fær vaktina greidda samt sem áður.
Heilsugæslan á Borgarnesi
Upplýsingar frá Guðrúnu Kristjánsdóttur, framkvæmdastjóra.
Starfssvæði Heilsugæslustöðvarinnar er frá Hafnarfjalli að
sunnan, vestur að Vegamótum á Snæfellsnesi og upp á miðja
Holtavörðuheiði að norðan og framfyrir Húsafell að austan. íbúa-
fjöldi á svæðinu er rúmlega 3500 með lögheimili. Taka verður
mið af því að á sumrin fjölgar íbúum allt að 20.000 þegar mest
lætur. Þá er verið að tala um fjölda fólks í sumarhúsum á svæð-
inu, hótelum, veiðihúsum, á tjaldstæðum og í íbúðum við
háskólana í héraðinu. Flest sumarhús eru orðin heilsárshús og
mikill fjöldi fólks er þar meira og minna allt árið. Á Heilsugæslu-
stöðinni eru um 13,5 stöðugildi alls. 3 læknar, 3,5 stöðugildi
hjúkrunarfræðinga, 0,5 stöðugildi Ijósmóður 2,5 stöðugildi
læknaritara, 1 mótttökuritari, 1 sjúkrabílsstjóri og húsvörður, 1
stöðugildi í ræstingum og 0,75 stöðugildi framkvæmdastjóra.
Heilsugæslustöðin var tekin í notkun 1976 og er í 1250m2
húsnæði á 3 hæðum.
Umsögn unglæknis:
Ég var í Borgarnesi sumarið 2004, strax eftir 5.ár, og var það
mjög lærdómsrík og skemmtileg reynsla. Viðurkenni þó að það
var vægast sagt stress í manni fyrstu vikuna eða svo! Ég bjó í
lítilli íbúð sem búið er að innrétta á sjálfri heilsugæslustöðinni og
hentar einstaklingum ágætlega í stuttan tíma í senn. Vinnuálagið
var talsvert mikið og þá langmest í júní og júlí en datt talsvert
niður eftir verslunarmannahelgina. Ég var stærsta hluta sumars
á tvískiptum vöktum sem rúlluðu þannig að ég var tvo virka daga
á vakt í hverri viku og svo aðra hverja helgi. Helgarvaktin stendur
frá kl 16 á föstudegi til kl 9 á mánudegi. Á föstudögum fyrir
fríhelgi fékk ég alveg frí frá dagvinnunni og einnig mánudaginn
eftir hverja vaktahelgi. Talsvert mikið er að gera á hverri vakt og
þá sérstaklega um helgar. Utan vaktanna er maður svo að sjálf-
sögðu í móttöku frá 8-16 fyrir utan fyrrnefnd frí sem maður fær.
Hvað fjölbreytileika varðar þá var ég ekki svikinn. Ég fór til Borg-
arnes til að komast í sem mesta kírúrgíu/bráðalækningar og það
var það sem maður fékk almennt. Mikill saumaskapur, beinbrot,
bílveltur og bílslys, lítið um krónísk vandamál eða geðvandamál.
Nokkur áhugaverð og akút útköll á sjúkrabílnum. Einnig talsvert
af börnum en flest er það minniháttar vandamál. Vinnuaðstaða
var ágæt fannst mér en ég hef þó engan samanburð við aðrar
heilsugæslustöðvar. Starfsfólkið er bara mjög almennilegt, lækn-
arnir eru mjög fínir og sérstaklega gott að hafa við höndina
þegar hitnar í koiunum enda ávallt einhver á bakvið mann í síma.
Fríðindi eru í raun engin sérstök utan litlu íbúðarinnar en maður
hefur til umráða vaktbíl á vöktunum ef útköll eru innanbæjar en
annars fer maður alltaf með sjúkrabílnum út fyrir bæinn. Sund-
laugin er alkunna í Borgarnesi! Ég vil taka fram að í kaupfélaginu
er framreiddur heitur matur í hádeginu handa fjöldanum en
smakkast eins og fyrsta flokks mömmumatur! Varðandi laun þá
LÆKNANEMINN
2005
31